کۆبییەیۆکەی بیناو ڕێکوستەی مەنتێقەو پارتوو دیموکراسی و یەکسانیی گەلا (دەم پارتی)ینە کریا، چالاکێ واتشا: "پەرسەو کوردی لاو بەڕێز ئۆجالانیوە چارەسەرە کریۆ. ئێمەیچ پەی ئانەیە ڕا پیممێ".

چالاکییەکە لاو تەڤگەروو ژەنە ئازاڎ (تەژەئا)یۆ کریا و ئەایاو ئاشتی و قەومێ زیندانییا بەشدارێ بێنێ.

ئەداو ئاشتی ئەمینە ئالکیشە واتش: "ئاشتی مارمێ دی و ڕابەرێتی ئازاڎ کەرمێ".

پەرلەمانتارەو وانوو دەم پارتی، گوڵدەرەن ڤارلییە، واتش: "بەڕێز ئۆجالان متاوۆ پەرسەو کوردی چارەسەرە کەرۆ. بکات. دەسوو بەڕێز ئۆجالانی دەسوو ئاشتیین، نامێش ژیوای ئازاڎا".

حەرپاسە چالاکییەکەنە ئەوەخوای کریاوە، بەرڎەوامیی گۆشەگیری بییەن مایێ قووڵبییەیۆ جەنگی، دمایی گۆشەگیری و ئازاڎیی جەسەیی ڕابەروو گەلوو کوردی عەبدوڵا ئۆجالانی بە کۆشیای بۆ.

کۆبییەیۆکەی بە درووشـموو "ژەنی، ژیوای، ئازاڎی"ی دماییش ئاما. ئەدایاو ئاشتی ڕسموو ڕابەروو گەلوو کوردی عەبدوڵا ئۆجالانیشا پێشکەشوو ڕاپیمەرا کەرد. دمایی چالاکێ لوێ سەرێ قەبرەی تایبەتەو ئینانێشا دا کە وەختوو قەدەغەو هامۆشۆینە کوشیا.