ڕاپیمای گەورەو ئازاڎیی، کە لاو سیاسەتمەدارا و نوێنەراو ڕێکوزیا جەماوەری و دیموکراتیکەکاوە پەی ئازاڎیی جەسەیی ڕابەروو گەلوو کوردی عەبدوڵا ئۆجالانی و چارەسەری دیموکراسییانە پەی پەرسەو کوردی دەسش پەنە کەرد، ششەمین ڕۆشنە بەرڎەواما. ئارۆ یۆ جە لەقەکاو ڕاپیمایەکەی یاوا سلۆپیی سەر بە شڕناخی. ڕاپیمەرۍ بە بۆنەو ساڵڕۆو بوومەلەرزەکەو ٦ شوباتیوە، شریتۍ سیاوێشا سەرەشاوە پێتێبێنێ. ئەڎایوا ئاشتی بە ولی خێرامایشا وەنە کەرڎێ.

هەرپاسە گەل ڕاپیمایەکەنە بەچەپڵۍ و بەرزکەرڎەیۆ پەنجەکاشا پێسە نیشانۍ سەرکەوتەی پەشتیوانیی ڕاپپمایەکەیشا  کەرد و ئاوازی شۆڕشگێڵنیێشا واتێوە.  

وەرڎەموو بیناو دەم پارتیینە پەی وەنەقۆمیایاو بوومەلەرزەکەی ساتێوە بێدەنگی لوا ڕاوە. ئۆنۆر دوشۆنمز، ئەنداموو پەرلەمانوو دەم پارتی جۆلەمێرگنە، جە یادوو ساڵڕۆو بوومەلەرزەکەینە واتش: "حکومەت جە ٣ ڕۆو  ئەوەڵوو  بوومەلەرزەکەینە نەبێ، هەرپاسە واتش، ئانۍ بە سیاسەتەکاو قەیومی ئامێبێنێرە، قەیومێوەشا پەی ناوەندوو هامپەشتیی ئێمەیچ نیابێرە. ئانۍ ئاشتی و واڵەوبرایی و چارەسەرشا گەرەکا، پەنەوازا پەشتگیریما کەرا".

دوشونمێز بە ئاماژەدای پانەیە، کە ڕابەروو گەلوو کوردی عەبدوڵا ئۆجالان ٢٥ ساڵێن ئینا گۆشەگیریینە، واتش: ماوەی ٣٥ مانگان هیچ زانیاریێوە سەروو بارودۆخییش نیا، پەوکای ڕا پیممێ، مافدارێنمۍ و سەرکەوتۍ بیمێ" ئێمە ڕۆڵەکانی ئەڎا تایبەتێنمێ. ئێمە هامڕۍ ڕاو سێوەینمێ. ئێمە ئازاڎیی بەڕێز ئۆجالانی مسۆگەر کەرمۍ و ئازاڎیی پەی ئی خاکەیە گێڵنمێوە.

ساکینە دەمیرە: پێویسا ڕابەر ئاپۆ ئازاڎ بکریۆ

ساکینە دەمیرە، ئەڎاو سێوە دەمیری، کە وەختوو هجوومە قڕکارییەکاو سلۆپیینە کوشیا، واتش: "سڵام چی ڕاپیمەرا کەروو، کە پەی ئازاڎی و ئاشتی و یەکڕیزی و ئازاڎیی زینڎانییا و ڕابەر (عەبدوڵا ئۆجالان)ی کریۆ. بەدڵنیاییوە سەرکەوتۍ بیمێ. ئەڎا دەمیرە داواش کەرڎە ئەڎا تورکەکێچ بەشداریی ڕاپیامی کەرا، ئارۆ ئشیا چەنیما ڕاشا پیمێ، ئشیا ئەڎایاو پۆلیسا و سەروازا و پاسەواناو دەگایەکایچ ئامێنێ، ئەدێکۍ گردیەک ئێششا هەن، ئی ڕاپیمایە هینوو ئادیشایچا، مەبۆ وەنەو ڕاپیمای ئازاڎیی تەرسا. مشۆم ئی گۆشەگیرییە لا بشۆ. پێویسا سەرۆک ئاپۆ ئازاڎ کریۆ".

هەرپاسە ئەڎا دەمیرە واتش: "ونی بە ونی پاکە مەبۆوە"، داواو واتەواچیش پەی چارەسەروو پەرسەو کوردی کەرد. واتش، ونی بە ئاوۆریۆوە. ئێمە ئاشتیما گەرەکا. ئی ڕاپیمایە پەی ئامای ئاشتیین. ڕۆڵەکەم گەشمەرڎە بی، گەرەکم نییا هینوو خەڵکیچ مرۆ. " مشۆم بەرەو ئێمراڵی کریۆوە، گۆشەگیری نەمەنۆ، سەروو مێزەو واتەواچوە بنیشارە".

دماو وتارەکا، ئەڎایاو ئاشتی سەرپۆشی چەرمە، کە هێماو ئاشتیین، داشا سەرەو ڕاپیمەرارە. لێوە تەرۆ ئا دەسکێش و پەنجەوانۍ کە پەی ڕابەروو گەلوو کوردی عەبدوڵا ئۆجالانیشا چنیێبێنۍ ئسپارێشا بە دەسوو ڕاپیمەرا.

ئەرەیاونایەکەی بە واتەیوە دروشموو "بژیوۆ مدرامانوو زینڎانی" دماییش ئاما.