ئاویر/پانۆس

مەنتێقەو پانۆسینە ئاویرو مەبارەکبایکەردەی جەژنەو نەورۆزی ناوەندو چاندینە کریا، مەیدانەکە بە عەلەماو دەم پارتی ڕازنیابێوە. مەبارەکباییەکە بە گۆرانیێ و ئاهەنگگێڵنای دەسش پەنە کەرد. دروشمو 'بژیوۆ مدرامانو زیندانییا' وچیاوە.

ئاهەنگەکەنە ورچنیاو هامشارەوانیی دەم پارتیی پانۆسی ڕۆژبین کارتال واتش: "ئێمە ڕۆڵێ کۆشیایەکا کاوەی شۆڕشگێڵنینمێ دژو زوحاکی. دژو خیانەتی پێسە راهشانانینمێ، پێسە سەمایای جەستەما مکەرمێ بە قەڵغان. پی ئیرادەوە ئامادێنمێ پەی خزمەتوو گەلەکەیما."

موش/ملازگر

جگە جە نا لەباریی کەشوهەوای، بە سەدان کەسێ مەیدانو قەسابانو ملازگریی موشینە بەشداریی مەبارەکباییکەردەکاو نەورۆزی بێنێ و ئاویرو نەورۆزیشا ورکەرد. سەرۆک فراکسیۆنو دەم پارتی سەزای تەمەلی بەشداریی مەبارەکباییکەردەکەی بێ. مەبارەکباییەکە بە دەیەقێو ڕێزگێرتەی گەشمەردا دەسش پەنە کەرد. ئاهەنگەکەنە پانکارتو "بە ڕاو ڕەوشەنانێ نەورۆزی مەبارەک مکەرمێ" و "نەورۆزما قەوەت" بەرزێ کریێبێنیوە.

هامسەرۆکو دەم پارتی مەنتێقەکەی کەمال ئۆزەل لە مەبارەکباییەکەنە سوپاسو گەلیش کەرد  و نەورۆزش مەبارەک کەرد.

ورچنیاو هامشارەوانیی ئەحمەد کەنان تورکەر واتش: " قۆناغێوە تارێخیینە بە جۆشوخرۆشۆ نەورۆزیما مەبارەک کەرمێ. با نەورۆز بۆ بە ئامرازو ئاشتی، ئازادی و چارەسەرکەردەی پەرسەکاو کوردی بە ڕای دیموکراتیکییە."

کۆپ

مەبارەکباییکەردەی نەورۆزو کۆپی موشی بە بەشداریی هەزاران کەسا مەبارەک کریا. مەبارەکباییەکە تێرمیناڵو کۆپینە کریا. ئاهەنگەکەنە خەڵکو ئاگەی بە جل و بەرگی کوردیوە لوێ  مەیدانو نەورۆزی و ئاویرو نەورۆزیشا کەردۆ. دروشمەکاو 'بژیوۆ سەرۆک ئاپۆ'، 'بە مدرامان سەرێ گنمێ' و 'ژەنی، ژیوای، ئازادی' بەرزێ کریێوە.

ئاهەنگەکەنە ورچنەکاو دەم پارتی نەورۆزشا مەبارەک کەرد.

دماتەر پەرلەمانتارەو دەم پارتی سومەیە بۆز واتش: "بەڕێز ئۆجالان ئینا گۆشەگیریینە و ڕاو قسەکەردەیش وەنە گیریێنە چی؟ چونکوم حەر قسێوە بەڕێز ئۆجالانی چندین کێشێ پەی ئی دەسەڵاتەیە وەش مکەرۆ و سەرەوچێرش مکەرۆوە.  پەوکای وەنەو دەنگش متەرسا. گۆشەگیری جە ئیمراڵیوە دەسش پنە کەرد و تەمامو وەڵاتینە وەڵا بییەنۆ. جارێوە تەر داواو ئازادیی پەی بەڕێز ئۆجالانی مکەرمێ وماچمێ دمایی بە ئەشکەنجەو سەرو زیندانییا بارانێ."

سێرت/دحە

مەیدانوو کانی مەرگوو دحەو سێرتینە بە دروشمو 'ئەرەپڕە وەختو ئازادی و سەرکەوتەین' نەورۆز مەبارەک کریا.

بالکەسیر

ڕێکوستەی پارتو یەکسانی و دەیموکراسیی گەلا (دەم پارتی)ی بالکەسری بە دروشمو "ئەرەپڕە وەخت وەختوو ئازادی و سەرکەوتەین" مەیدانو دەڤە گورەشو ناوچەو بورهانیەینە، بە بەشداریی ئەندام پەرلەماناو دەم پارتی ساروهان ئۆلوچی و بەشداریی هەزاران کەسا بە جلوبەرگی تایبەتییوە نەورۆز مەبارەک کریا.

مەبارەکباییەکەنە عەلەمەو دەم پارتی ورکریێبێ، نەورۆز بە قسەکاو ئەندام پەرلەمانو دەم پارتی ساروهان ئۆلوچی دەسش پنە کەرد و باسو گرنگیی نەورۆزی و ورچنیەیەکاو ٣١ ئاداریش کەرد.

دمایی بە گێڵنای ئاهەنگو نەورۆزی، مەبارەکباییەکە دماییش ئاما.