"نێڤییان موسلیم"ە تەلەبۍ زانکۊو کۊبانۍ دەربارەو شیعرۍ و شانۊی، پەی ئاژانسوو هەواڵوو فورات (ANF)ی دوا و بارەو سەفەروو وێش شیعرەنە واتش: "جە ئەوەڵوو شۊڕشوو وەرنیشتیوە، ئینجا چا وەختۊ، کە زوانوو کورڎی جە وانگەکانە وچیاوە، دەسم بە وەنایۊ و نویستەی شیعرۍ کەرڎ. جا وەختۊ حەوڵێم دێنی هەستەکام بەرۍ وزوو."

"موسلیم نێڤییان"ە، جە ڕاو شیعرێوە باسوو ئازارەکاو وێش کەرۊ و ماچۊ، "هۊنیێوەکێم سەرەکیتەرێنێشا دەربارەو وەڵاتی، گەشمەرڎەبییەی و شەهادەتی و دووری بێنی. وەختێوە حەوڵۍ مدەو دەقێوە بنویسوو، چا وەختەنە ئیسفادە چا دۊخەو وێم ورگێروو."

"نێڤییان موسلیم"ە ماچۊیچ: "داوا جە گرڎوو شاعیرا کەروو کە ڕاو شیعرەکاشاوە کۊشیا. ئێمە فرێما هەڵای پەنەوازما پانەینە، کە شیعرەکێما فرەتەر بەقووەتتەرۍ وەشتەرۍ کەرمۍ و شیعرۍ وێما با. چندین چیرۊکۍ و شئعرێم هەنۍ. چیرۊکێوەم هەنە سەروو جەنگوو کۊبانۍ، کە لە گۊڤاروو سیوانینە وەڵی بیێنۊ ".

موسلیم-ە ئاخروو قسەکاشنە شیعرێوەش واناوە و واتش: "دووۍ ڕەفێقۍ یۊترینی بێنۍ. ڕەفاقەتێوە بێحەد بەینشانە بۍ، وەلۍ یۊشا ژیوایش کەرڎ بە قوربانی پەی پارێزنای وڵاتەکەیش و گەشمەرڎە بی، منیچ شیعرێوەم پێشکەششا کەرڎە."

"نێڤییان موسلیم"ە، هاموەخت بەشداری جە شانۊیچنە کەرۊ بارەو شانۊیچۊ واتش، "حەرچندە سەفەرەکەم پەی شانۊی تازەن، وەلۍ جە فیستیڤاڵوو گەشمەرڎە یەکتاینە خەڵاتوو یەرەمیم ور گێرت".

"نێڤییان موسلیم"ە واتیچش، وەختێوە سەروو ستەیجیوە بۊ، هەست بە ئازاڎی کەرۊ و ماچۊ، "پێسە وینیۊ من نێڤییانەنا، وەلۍ سەروو شانۊیۊ من تەنیا نێڤییانە نییەنا. من بوو بە گرڎ چێوۍ، متاوو سەروو ستەیجیوە و بە ئرمانای ئێشوو گەلەکەیم نۊعێوە تەر بەر وزوو."

س.ز