گەنجۍ بە درووشموو «دژوو جینۊسایدوو ١٠٠ ساڵەی، بە کولتوورەکا وێتا ڕێکۍ وزدێ»، جە ڕۊو ٢٠ وو ئایارینە شاروو فرایبۊرگوو ئەڵمانیاینە کوۍ باوە. 

لوجنەو ڕێکوستەی ڤیستیڤاڵی ئەرەیاوناێوە نویسیاش وەڵا کەرڎۊ، ئاماژەش بە گرنگیی کۊبییەیۊکەی کەرد دژوو سیاسەتوو تاونایۊی، کە هەرمانە کەرۊ سەروو گەنجا و گەلوو کورڎسانی جە ئەورووپانە.

جە ئەرەیاونای لوجنەکەینە ئامان:

«ئێمە ئا گەنجێنمۍ کە عایلەکێشا کۊچشا کەرڎەن پەی ئەورووپای و بە هۊکاری سیاسی ناچارۍ کریێنۍ ڕووە کەرا ئەورووپای، گەرەکمانە واچمۍ کە کۊبییەیۊکەیما فرە گرنگا، پەی نەفۊتیایمانە خاکە جیاوازەکانە و کولتوورە جیاوازەکانە، ئی چالاکیۍ فرە گرنگێنۍ، چونکوم یۊ جە قووڵتەرین شکڵەکاو جەنگی تایبەتی ئارۊنە دژوو گەنجا، دووروستەیۊشانە جە کولتووروو وێشا، پاڵوو ئینەیچەنە، ئاسان تاویۊ ئا گەنجۍ دوورۍ وزیاوە، کە ئاشنۍ ئامانجەکاشا نیەنۍ، ئێمە پینەی ڕازیۍ مەبیمۍ و ئینەیچ سەبەبوو ڕێکوستەی ڤیستیڤاڵوو گەنجاو کورڎسانین.

پەوکای داوا جە گرڎوو گەنجاو کورڎسانی  ئەورووپانە کەرمۍ، جە ٢٠وو ئایارینە جە شاروو فرایبۊرگینە کوۍ باوە پەی زیندەئاستەیۊ کولتوورەکەیما، تەنانەت ئەگەر ئەورووپایچنە بیمێ».

پڕۊگراموو ڤیستیڤاڵەکەی پێسنەن:

بڕگەو گۊرانییا:

- JINMA

- Bermal Cem

- Serhado

- Seyda Perînçek

- ÎboQamişlo

- Ulas Kelaşîn

- Koma Zelal

چالاکییەکێ

- فۊلکلۊر

- وەرزش

- پینگ پۊنگ

- باخچەو زارۊڵا.

یاگۍ ڤیستیڤاڵی: Wiesentalstrasse2, 79115 Freiburg

وەختوو ڤیستیڤاڵی: 20 وو ئایاروو 2023، سەعات 10:00.

س.ز