دەنگدای گرڎلایۍ جە ١٤و ئایاروو ٢٠٢٣ کریۊ.

. ٦٤ملوێنۍ و ١١٣ هەزارۍ و ٩٤١ کەسۍ مافوو دەنگدایشا هەن

چوار ملوێنۍ و ٩٠٤ هەزارۍ و ٦٧٢ دەنگدەرۍ یووەم جارشانە دەنگ مڎا.

نزیکەو ٧.٥ جە سەدوو جەموو دەنگدەرا یووەم جارشانە ئا مافەشا بۊ.

ئەگەر ورچنیەی بلۊ خولی دووەمۊ ٤٧ هەزار گەنجۍ تەرۍ مافوو دەنگدایشا بۊ.

جە ورچنییەکاو پەرلەمانینە، ٢٤ حیزبۍ و ١٥١ کاندیدۍ سەربەوۍ بەشدارێنۍ.

پەنج هامپەیمانیۍ پەی ورچنیەی وەشۍ بیێنۍ کە ئینینێ؛ جومهور، میللەت، ئاتا، کار و ئازادی و یۊبییەی هێزوو سۊسیالیستی.

پارتوو سەوزی چەپی، (هەدەپە- ی وەڵینوو) و پارتوو کرێکاراو تورکیای (تیپ)  ''هامپەیمانیی هەرمانۍ و ئازادی'' یشا وەش کەرڎەن.

جە سەرانسەروو تورکیاینە ١٩٠ هەزارۍ و ٧٣٦ سنڎوقۍ دەنگدای منریارە.

ژمارەی دەنگدەراو دلۍ تورکیای ٦٠ ملوێنۍ و ٩٠٤ هەزارۍ و ٤٩٩ کەسێنۍ.

چوار هەزارۍ و ٩٦٩ سنڎوقۍ دەنگدای جە بەروو تورکیایۊ نریارە.

ژمارەی دەنگدەراو بەروو تورکیای، یەرۍ ملوێنۍ و ٢٨٦ هەزارۍ و ٧٨٦ کەسێنۍ.

  ٥٣هەزارۍ و ١٧٢ کەسۍ کە مافوو دەنگدایشا هەن ئینۍ زینڎاننە.

جە ٧٥ وەڵاتا و ١٥٦ نوێنەرایەتییەکاو جبەریوە، سنڎوقوو دەنگدای نریۊرە.

٨١٤هەزارۍ و ١٢٠ پسووڵۍ دەنگدای پەی نەوینایا ئاماڎۍ کریێنۍ.

پڕۊسەکە پێسە ملۊ ڕاوە:

٢٧وو نیسانی: پڕۊسەو دەنگدای جبەروو تورکیای و دەروازە سنوورییەکانە دەسش پەنە کەرڎ.

چواروو ئایاری: قەدەغەکەرڎەی ئازادیی بانگەشەکا دەسش پەنە کەرڎ.

حەوتوو ئایاری: بەشکەرڎەی لاپەڕەو زانیاریی دەنگدەرا سەروو دەنگدەرارە دماییش ئاما.

نۊو ئایاری: دەنگدای بەروو وەڵاتینە دماییش مۍ.

١٣و ئایاری: سەعات١٨:٠٠ پڕۊسەو بانگەشەی دماییش مۍ.

١٤و ئایاری: ڕۊو دەنگداین، ئەنجامی ئەوەڵیی ورچنیەی سەرۊکایەتی تا سەعات ٢٣:٥٩ ئەرەیاونیۊ.

ماوەو سەرۊکایەتیی تورکیای پەنج ساڵێن.

پارلەمان جە ٦٠٠ کورسییا پێک مۍ، وەڵتەر ٥٥٠ کورسیۍ بییەن.

تورکیا پەی٨٧ بازناو ورچنیەی بەش کریان، بڕۍ جە پارێزگا گەورەکا جە یەک بازنەی زیاڎتەرێنۍ پێسە ئیستەنبوولی و یەرۍ بازنا ورچنیەی پێسە ئەنکەرەی و ئیزمیری.

هەگەرەکوم ورچنیەیەکاو سەرۊکایەتی گنا خولی دووەم؛

ورچنیەی پەی خولی دووەموو ورچنیەی

سەرۊکایەتی جە ٢٨وو ئایارینە کریۊ.

س.ز