ئا عەفرینیۍ کە بە مەڵامەتوو تەوقدای دەوڵەتو تورکیۆ رووەشا جە شەهبای کەردینە، جە لېوە کریانە ئامانجوو بۆردومانەکاو دەوڵەتو تورکی و جەلایێوەتەرۆ ئینۍ چېرو تەوقۍ سەختەو حکومەتوو دیمەشقینە.

بەمەڵامەتوو تەوقەکاوە ڕا مەڎریۊ شۊتوو زارۊڵا، سوتەمەنی، دەرمان و واردە ڕەوانەی مەنتیقەکەی کریۆ ، کە ئینۍ پێویسیۍ سەرەکیۍ ژیواو ئەرەنیشتانۍ.

جە کەمپوو سەردەمی کە پەناھەندۍ عەفرینیش چنەنۍ ڕۊو ٢ کانونوو یوۋەمی زاڕۆڵێوە بە نامۍ سۆزیار حەسەنېوە بەمەڵامەتوو سەردایۆ عەمرەو خوڎایش کەرڎە.

بەمەڵامەتوو نەمەنەی نەوتېوە ئەرەنیشتۍ شەهبای ڕووانە تووشو دژواری و تەنگ و چەڵەمەی فرەی باوە و حەر بەمەڵامەتوو نەبیەی سوتەمەنیۆ کارەبایچ جە مەنتیقەکەنە بریېنە.

دامودەزگاکۍ ۋېڕاوەبەری بەتایبەتی شارەوانی گەل حۆڵ مڎا پا توانا و دەرفەتە کەمۆ کە هەن خزمەتوگەلی بکەرا.

تەوقەکی کاریگەری قورسشا کەردەن سەروو نەوەشخانەکا. جە نەوەشخانەو ئاڤرینی بەمەڵامەتوو نەبیەی سوتەمەنی و کارەبېوە جگە جە بەشو فریاکەوتەی خێرای بەشەکۍ تەرۍ مەتاوا خزمەتگوزاری تەندروستی پێشکەش کەرا. ھام وەخت دەرمان و پیویستیە پزیشکیەکۍ جە نەوەشخانە و دەرمانخانەکانە دەسۍ مەگنا.