هیزی سەرسەعب بە هەزاران کەسێ بە کاروانێوە گۆرەو تڕۆمبێلی پەی پەشتیوانی هێزەکا قەسەدەی و یەپەژەی ڕووەشا کەردە بەنداو تشرینی. گەل سەرو ڕاو تشرینی جەلایەن دۆڵەتو تورکی ئەرەگیریۆ چنین جارێ کریان ئامانج. سەربارو ئا هرووژما گەل بە پاگیری بەرزۆ رووەش کەردە بەنداو تشرینی.

جە بەنداو تشرینینە جەنگاوەرا قەسەدەی و یەپەژەی داستانو قارەمانی تۆمار مکەرا. دۆڵەتو تورکی ئەرەگیری بە گرڏو تەکنەلۆژیاکا وێشۆ پەلامارو بەنداوەکەی مرۆ، بەڵام تائیسە وەراوەر بە مڏرامانو جەنگاوەرا قەسەدەی سەرنەکەوتەن. جە ٨و کانونو یوەمینە هرووژمێوە چڕ کریا سەرو بەنداو تشرینی و سردەو قەرەقۆزاقی. جە ئەنجامو ئا هرووژمانە ژمارێوە فرە جە جەنگااوەرا قەسەدەی، کۆماندۆس، یەپەژە، هێزو تایبەتو هێزەکا ئاسایشو دلینەی (هات) گەشمەردێ بیێ.

دۆڵەتو تورکی ئەرەگیری وەرو ئانەی پێودانگەکا مرۆڤایەتی پاشێل مکەرۆ، سەرەڕاو هرووژمەکاش پەی سەرو بەنداوەکەی جە وەراوەرو گەلیشەنە کۆمڵکوژیش ئەنجامدان. جە ئەنجامو هرووژمەکا پەی سەرو عەین عیسای و دەگاو جەدەو سەر بە کۆبانێ ژمارێوە فرە زاڕۆڵي، ژەنی، بەساڵالوێ گەشمەردێ کریێ. ئامانجو ئا هرووژما دۆڵەتو تورکی ڕاگیریا جە پێکئاردەی نەتەوەی دیموکراتیک و برایەتی گەلا.

سەرۆککۆمارو دۆڵەتو تورکی ئەرەگیری ئەردۆغان واتەبێش کورد جە سەرنیشتوو وەرکەوتوو سوریاینە ئەر چەکەکاش نەنیۆرە ئاریش بە چەکەکاشاوە منیەیمێ. جە ئەنجامو ئا قسانە جارێوە تەر سەرو سنووری درێژەشا بە قڕکارییەکادا. ئا گەلەی کە رووەش کەردێبێ بەنداو تشرینی با هەڵوێسەی کە داعشش ماڕابێ بە ورە و ئیرادێوە گۆرۆ ئیسە سەرو بەنداوەکەی درێژە بە مڏرامانی مرۆنە.

چێرو تۆپبوارانو دۆڵەتو تورکینە گەل سەرو بەنداوەکەی دروشمو مڏرامانی بەرز مکەرۆوە. چنی ئانەیش سەرو بەنداوەکەینە هەلهەلەو، گۆرانی و هۆرپڕای و دەنگو دەهۆڵی بەرز بۆوە. هۆرپڕای و گۆرانیێ ژەنا و جوانا تا سەرسەعب بەردەوام بێ. گەل بە جۆش و خرۆشۆ پەشتیوانی بە مڏرامان نیشانە مرۆ. گیانو وێشا کەردەن بە قەڵغان، پاگیری و ئیرادەو وێشا وست ڕووە. تا ئی دەقە مڏرامانو گەلی جە بەنداوەکە بەردەواما...