بۆنۆو ڕۆو ڕۆنامەگەریی کوردییۆ، ڕۆنامەنوویسا ئەرەیاونای ئازادی جە پانیشتوو کوردەسانینە سەردای سەنتەرو میترۆیشا کەرد و وێنەو گەشمەرڏا ئەرەیاونای ئازادیشا پێشکەش بە سەنتەرەکەی کەرد.
ئارۆ شارو سلێمانینە، شاندێوە جە ڕۆنامەنوویسا ئەرەیاونای ئازادی جە پانیشتوو کوردەسانینە، بە بۆنۆو ڕۆو ڕۆنامەگەریی کوردییۆ، سەردانو سەنتەرو میترۆیشا کەرد. جە سەردانەکەینە، شاندەکە وێنەو حەر یۆ جە گەشمەرڏا ئەرەیاونای ئازادی (عەزیز کۆیلوئۆغڵو، هێرۆ بەهادین، گوڵستان تارا)ـی پێشکەش بە سەنتەرو میترۆی کەرد.
چی بارۆ سەنتەرو میترۆی جە هەژمارو میدیاو دیجیتاڵی وێشنە واتش: " هامكارێما جە كۆمپانیاو چەترێنە پەی ئەرەیاوناو وەڵاکەردەیۆ وێنەو گەشمەرڏا ( هێرۆ بەهائەدین، گوڵستان تارا، عەزیز كۆیلو ئۆغلو) ئاردشا پەی میترۆی، وێنەو گەشمەرڏا وەڵێ ئانەی دیوارو یانەکامانە هورواسمێ، ئینێ دڵ و ویژدانمانە."
