ڕوانگەو سووری پەی مافەکا مرۆڤی (سۆهر) ئەرەیاوناش جە ناوچە جیاوازەکا سووریاینە جە ماوەو ٢٤ سەعاتا و دماینە بە ڕووەدای جۆربەجۆر حۊت کەسێ کوشیێنێ.

سۆهر سەبارەت بە بابەتەکەی ئەرەیاوناش، جە شارو مارەت مەرسینی ئیدلب کەسێ بەمەڵامەتو تەقایۆ ئەڵغامیۆ گیانش جەدەسدان  و جە کەمپا دێر حەسەنو سەرنیشتوو ئیدلب ئەندامێوە هێزەکا ئاسایشو گرڏی دیمەشقی یانەو وێشەنە جە لایەنو چەکدارێ نەشناسی کوشیان.

بە پاو ئەرەیاوناکەو سۆهر جە دەگاو دیابی حومسینە گروپێوە چەکدار کە نەشناسینا کێن، ڕاوەبەرو وانینگەکەیشا گولـلەواران کەرد و کوشتەنشا. هەرپاسە زانریان هێزەکا حکومەتو دیمەشقی جە دەگاو موختارو حومسینە جوانێشا کوشتەن.

جە دەگاو جەنەتەو لازقیەی پیێوە هامژینەکێش و کوڕێوە وێش کوشتەن و تەرمەکێش فڕەدێنێ بیرێوە.

سۆهر ئاماژەش پانەیشدا جە ناوچەو یەسوعەو دێرەزۆری زاڕۆڵێوە بەمەڵامەتو تەقایۆ ئەڵغامی گیانش جە دەسدان.