ئەنجوومەنوو بنەیانەو گەشمەرڎا قامیشلۆی داواش جە کورد و کوردسانییەکا کەرڎ کە بەیا مېڎانەکا و فشار وزا سەروو ڕێکوزیا یاساییەکا و ئانۍ کە پەیوەندیدارېنۍ بە مافەکا مرۆڤیۆ، پۍ ئانەی ئاژەو عەبدوڵا ئۆجالانی جە دماو بوومەلەرزەکەو بورسای تورکیایۆ ئاشکرا کریۆ.
ئەنجومەنوو بنەیانەو گەشمەرڎا کانتۆنوو قامیشلۆی سەبارەڎ بە ئاشکراکەرڎەی ئاژەو ڕابەروو گەلوو کوردی عەبدوڵا ئۆجالانی، جە دماو بوومەلەرزەکەو شاروو بورساو تورکیای ئەرەیاۋنېوەش ۋەڵاکەرڎۆ.
جە مەنتیقەو عامودێ وەربەرەو بیناو ئەنجومەنینە ئەندامەو ئەنجومەنەکەی سۆسەن حوسەین-ە و جە مەنتیقەو تربێسی وەربەرەو بیناو ئەنجومەنینە ئەندامەو ڕاوەبەری ئەنجومەنەکەی خەرمان عەلی-ە ئەرەیاۋنېوەشا ۋەڵا کەرڎۆ.
جە قامیشلۆیچ وەربەرەو بیناو ئەنجومەنینە بە زۋانی کوردی شیرین محەمەڎە و بە زۋانی عەرەبی شێرزاد ڕەمۆ بەیاننامېوەشا ۋەناوە.
جە بەییاننامەکەنە داوا جە گەلوو کوردی وڵاتپارێزی کریا کە مجیارە مېڎانەکا و فشار وەش کەرا سەروو ڕێکوزیاکا مافوو مرۆڤی و سی پی تی پۍ ئانەی بە زووتەرین وەخت چەمپنەکۊتەی چنی ڕابەروو گەلوو کوردی عەبدوڵا ئۆجالانی ئەنجام بڎریۆ.
داوایچشا کەرڎ کە دماو ئا بومەڵەرزاو بورسای تورکیای، مشۊم بە زووترین وەخت چنی ڕابەر ئاپۆی چەمپنەکۊتەی ئەنجامبڎریۆ، پۍ ئانەی ئاژە و تەندروستی ڕابەروو گەلوو کوردی عەبدوڵا ئۆجالانی ڕۊشن بۊوە.
