ئەمینە شەنیاشارە، کە جە ١٤و حوزەیرانوو ٢٠١٨ینە جە مەنتیقەو پرسوسوو رحاینە هامسەر و دووێ کوڕێش بە دەسوو قەوم و پاسەوانەکاو پەرلەمانتاروو ئاکەپەی ئیبراهیم خەلیل یەڵدزی کوشیێنێ، چەنی فەرید شەنیاشاری، کە هەمان هجوومنە بریندار بییەن، ماوەو ٧٨٨ ڕوا وەردەموو دادگاو رحاینە ئێشکگریی دادپەروەریشا گێرتەن.

پەرلەمانتاروو پارتوو چەپی سەوزی جە رحانە فەرید شەنیاشار، کە یانەوە جە پرسوسۆ پەی وەردەموو دادگای لوا، درێژەش بە ئێشکگێریی دادپەروەری دا، ئەمینە شەنیاشارەیچ بۆنەو نەوەشییوە نەتاواش ئێشک گێرۆ.

بنەیانەو شەنیاشاری سەروو هەژماروو وێشاوە تۆڕە کۆمەڵایەتییەکانە واتشا: "ڕۆو ٧٨٨ەمینە وەردەموو دادگاو رحاینە، کۆشیایما پەی ڕاسی و دادپەروەری بەردەواما. فاڕای دەسەڵاتی نادادپەروەرانەی و ڕاوەبەرەکاش، هەرمانێوە ئینساندۆسانێنە، وێما کەڕولاڵ مەکەرمێ و مەبیمێ هامبەشوو ئی ستەمی".

س.ز