مەنتێقەو هەزەخوو شرنەخینە پەرسەو گەشمەرڎە هەرەکۊل هەزەخ (یونس ئوراس)ی نریێنەرە. خەڵکو مەنتێقەکەی پۊل پۊل و بە شێوەی جەماوەری سەروو پەرسەکۍ مدا.. گەریلاو هەپەگەی هەرەکۊل هەزەخ مەنتێقەو کەربۊرانو مێردینینە چەنی ڕۊدی نالین (ئۊرهان ئەلما)ی جەنگوو دژوو سوپاو تورکی ئەرەگیرینە گەشمەرڎە بییەبۍ.

فرەو کەسایەتی و چالاکە مەدەنی و سیاسییا پێسە بەڕاوەبەراو کۊمەڵەو کولتووری و یۊبییەی پەشتیوانی و هامکاریی ئا بنەیانا کەسوکارشا بێشکۍ ئینسانیەتینە جەدەس دان (مەبیا-دەر) و ڕاوەبەراو پارتو دیموکراسی و یەکسانیی گەلا (دەم پارتی) بەشدارییشا پەرسەو گەشمەرڎە هەرەکۊلینە کەرد.  

هامسەرۊکو لەقو شڕنەخو پارتی دیموکراتیکو گەلا (هەدەپە) عەبدوڵا گونگەن پەرسەکێنە قسێش کەردۍ و واتش، "کۊسێوە گەورەن، وەلۍ ئینە ڕاسیی ژیواین و کۊشیاین. ٥٠ ساڵێن فرەو کەسی پەی ئی کۊشیایە ژیوایشا بەخشان. گەلەکەما پەی سەلەمنای بییەیش قوربانیۍ گەورێش دێنۍ.  

سەروو ڕابەروو گەلو کوردی عەبدوڵا ئۊجالانیوە گۊشەگیریێوە دژوار هەن. سەرباروو ئانەیچە هامڕێکێما پەی ماڕای ئا گۊشەگیرییە، زیندانەکانە جەسەو وێشا وستەن وەرڎەموو مەرڎەیوە. یەک ئامانجشا هەن، ئانەن تا گەلوو کوردی بییەی و کۊشیای وێشا زیاتەر گەورە کەرۊ. ئێمەیچ پێسە هامڕایاشا مشۊم پەرە بە کۊشیای بدەیمۍ. کوشاما، گێرایچما، مەتاوا چۊکۍ پا کەسا بڎارە، کە بڕواشا پی کۊشیایە هەن".