بییە بە ساعیبەو ژیواێوە پەڕمانای و یارای
گەشمەردە هاڤین گابارە کە داراو ژیواێوە دروسی، یارای بێ، تا شایسێ ڕەنجوو ڕابەر ئاپۆی و هامڕایاش بۆ، بە مەیل و قەرارداریی گەورەوە تا دما هەناسە کۆشیا.
گەنجێ قارەمانێ کوردستانی بە ویست و ئیرادەی مەزنۆ دژوو تەکنۆلۆژیاو سەدەو ٢١ مرداوە، یوە چا گەنجە قارەمانا، کناچی بۆتانوو سەرهەڵدێری جانان ئۆراڵ (هاڤین گابار)ەنە.
جانان ئۆراڵە جە بنەیانێوە وەڵاتپارێزنی بە ئەسڵ شرناخییە جە ئایدنوو شاروو بۆتانینە پەیدا بییە، وەروو هۆشیاری وڵاتپارێزنی بنەیانەکەیش و زیندە ئرمانای چاندوو بۆتانینە، هیچ وەختێ جە شناسنامە و جەوهەروو وێش دوورە نەکەوتۆ. ئۆراڵە بە تورککەردەی گەلوو کوردیش قبووڵ نەکەرد، عەشق و حەسرەتوو وەڵاتەکەیش هەمیشە دڵەنە بێ. جانان ئۆراڵ زوڵم و ستەموو سەروو وەڵاتەکەیش قبووڵ نەکەرد، تووڕەیی و قینیش دژوو دوژمنی فرەتەر بێ، ئی تووڕەبییەیش بە بەشداریی چالاکیی گەنجە شۆڕشگێڵنانە نیشانە دا. جانان ئۆراڵ شاهیدەو دڕندایەتیی دەوڵەتوو تورکی بێ، بەتایبەت ساڵەو ٢٠١٥ینە شڕناخنە و شارەکای تەروو کوردستانینە. دماو گەشمەردەبییەی حاجی لوقمان بیرلیکی و هەمان ساڵەنە لوا پەی کەشە ئازادەکاو کوردستانی و بەشدارەو دلێ خەتەکاو گەریلای بییە.
هاڤینی گەریلاو یەژا ستاری دمای مەنەیۆیێ فرە هەرێموو بەستاینە بەشدارەو خەباتی بییە، دماینیی لوا هەرێموو حەفتانینی و یوەمین پەروەردەی گەریلاییش ورگێرت. هاڤین گابارە بە یوەم پەرەوەردەو وێش یەکسەر بە ژیوای کەشی و گەریلای ئاردەرە، تا بیاوۆ بە شناسنامەو ژەنێ ئازادێ. هاڤین گابارە تا شایسێ هەرمانێ و خەباتوو گەشمەردا هامڕایاش بۆ، بە قەراداری و باوەڕی گەورەوە کۆشیا. حەر هەرمانێش گێرتێ گەردەن بێ کەموکەسری کەرێش. گەریلاو یەژا ستاری هاڤین گابارە پا ئایدیا و پەرەوەردە سەروازییەی کە ورش گێرتەبێ، خەتەی فیداییەو گەشمەردە زیلان، بێریتان، دەلال ئاماد، ڕۆژبین و سارا گۆیێ یاونێ یاگێ.
هاڤینە تا دژوو تورکی ئەرەگیری گژیۆ لوا هەرێموو گەشمەردە دەلیلوو وەرنیشتوو زاپی، بەشداریی چندین چالاکییاش کەرد کرد و گورزی قورسش وەنەو دوژمنی دا. هاڤینە کە جە گرد بارودۆخێوەنە فکر و فەلسەفەو ڕابەر ئاپۆیش کەردەبێ بە بنەماو ژیوایش. جە خەتەی فیداییەو سارا، ڕوکەن، زیلان و دۆغای دژوو دڕندەکاو عوسمانیی گژیێ. بە بەشداری و کۆشیایەکاش بییە بە نمونە پەی هامرایاش. ٤ کانوونوو یوەموو ٢٠٢٣ ئەنجاموو هجووموو دەوڵەتوو تورکدینە چەنی هامڕاکەیش دەلیل تۆلهەلدانی گەشمەردێ بییە. گەریلا هاڤین گابارە داراو ژیواێوە حەقیقەتی و پەڕمانای بێ، پێسە میللیتانێوە بێهامتایی خەتەو پەکەکەی و پاژکی نامێش تارێخوو مدرامانوو کوردستانینە نویستۆ.
