چالاکییەکاو ئێشکگێریی دادپەروەری پەی ئازادیی جەستەیی ڕابەروو گەلوو کوردی عەبدوڵا ئۆجالانی  شارەکاو وان و مێرسین و مێردین و ئامەد و ئێلح و ئەزمیرینە بەردەوام بی.  

چالاکییەکاو ئارۆیچەنە، سەردای لایەن و پارت و کەسێتییەکا بەردەوام بی، چالاکییەکانە کۆکوشیی هەڵەبجەی شەرمەزار کریا، درووشمەکاو "ژەنی، ژیوای، ئازادی" و "بێ سەرۆکی ژیوای نمەبۆ" و "بژیوۆ مدرامانوو زیندانەکا" بەرزێ کریێوە. چالاکێ و سەردایکەرێ داواو ورگێرتەی گۆشەگیری و ئازادیی جەستەیی سەروو ڕابەروو گەلو کوردی عەبدوڵا ئۆجالانیشا کەرد.  

چالاکییەکەو وانینە، یوە جە  سەرداییکەرا، ئاسڵیهان تیمورە واتش: "داوا مکەرمێ گۆشەگیری سەروو گردوو زیندانییە سیاسییا و بەتایبەت بەڕێز عەبدوڵا ئۆجالانی دماییش پەنە بێ.  تا ئی گۆشەگیرییە دماییش نێ، ئێشکگێری بەردەواما. ئێمەی ئەدێ موازمێ سەروو مێزێوە بنیشمێرە و دایوسانای بکەرمێ. سەوای بە جلوبەرگی نەتەوەییماوە مەیدانوو نەورۆزینە دەنگما بەرز مکەرمێوە".

لە چالاکییەکەو مێردینینە پەرلەمانتارەی وەڵینوو هەدەپەی گوڵسەر یەڵدرمە واتش، زوڵم وەنەو گەلوو کوردی و مافەکاو گەلوو کوردی و ژیوای گەلوو کوردی هەن، پەوکای گۆشەگیری سەروو ڕابەروو گەلوو کوردی عەبدوڵا ئۆجالان و فشارەکا زینداننە و نیایرەی قەیومەکا بەردەواما، ئینەیچە ئەنجاموو زیهنیەتی قڕکەر و نکۆڵیکار و پاکتاوکەرین، واتش: "ئێشکگێریی ئەدایا بەشێوە گرنگا جە کۆشیای گەورەی پەی ئازادی ڕابەرێتی و چارەسەروو پەرسەو کوردی. سەدەو ٢١ینە کورد ئازادیی بەدەس مارۆ. ئازادیی ڕابەرەکەیش بەدەس مارۆ، بە چارەسەری دیموکراتیک ژیواێوە تازە ئەرەمەرزنۆ ".