جە پەیامێوەنە چالاکا مەدەنی و فەرهەنگی دلێینەو ۋەرکەوتوو کوردسانی ئەرەیاۋنانشا، " خەڵکوو نیشتمان دۆسوو ۋەرکەوتوو کوردسانی حەرپاسە کە ئاگاڎارێنۍ گرڎ ساڵێ بە پاو نەریتی ساڵانەی جە وەڵینگەو کوردەوارینە مەراسیمی قەڎیمی کوردەواری 'شەوشەو بەراتێ' جە گرڎوو شار و دەگایەکا کوردسانینە ملۆڕاوە کە ڕۊو ٢٩و سیاوکامی کە دماین ڕۊو ساڵێن و پایۍ وزمێنە ساڵێوەتەر دیاری کریان، ئێساڵیچ هامشێوەو ساڵا وەڵینی چی ڕووەنە زاوڵە چەمگەشەکۍ کوردسانی بە جەلووبەرگی کوردی و جامانە و ملیشا و هەوری ملۆڕاوە.

ئەرەیاۋنانیچش: "ئاگاڎارۍ بیدۍ ڕۊو ٢٩و سیاوکامی تەنیا ڕۊو لوایڕاوەو شەوشەوەو بەراتێنە ئیسە کە ڕژیم بە تەمان ئی نەریتەما چنە بسانۆوە کەم ڕەنگش کەرۊوە و پێسە ڕووانی تەری دیاریش کەرۆ پۊکەی پۍ مەردمی دڵسۆز و نیشتمان دۆسوو کوردسانیش واوەی کەرمێوە ڕۊو ٢٩و سیاوکامی جە گرڎوو شارەکا کوردسانی پێسە ڕۊو 'شەوشەوەو بەراتێ'ی ئشناسیان بە شکڵۍ کوردانە ڕاوەبەرەش کەرمۍ".