چالاکوانا تشرینەنە: بەنداوەکەیما پارێزنمۍ
گەل کە جە بەنداوو تشرینینە جە دژو ئەرەگیری ئینا دلۍ مڎرامانینە، جە دووەم ڕۆو چالاکییەکاشانە ئەرەیاۋناشا جە ئەوەکۊشای بەردەوامۍ با.
بە دیمەن
چالاکا قەڵغانی زیڼەی جە بەنداوو تشرینینە پەی ئاژانسیما قسێشا کەردۍ و قەرارداری ۋێشا جە دژو هرووژمە ئەرەگیریەکا دۆڵەتو تورکی تەئکید کەرڎۆ.
تاتەو نەورۆز ئیبراهیم عەبدی کە جە شارو کۆبانێ-وە بەشداربیەن ئاماژەش پانەی دا کە بەمەڵامەتوو هرووژمەکاوە مانگێوەن کارەبا و ئاوییشا بڕیێنە و واتش: "ئینایمۍ چۍ پەی ئانەی پەی گەلی و جەنگەواناما بیمۍ بە قەڵغانی زیڼە."
هەر جە چالاکا قەڵغانی زیڼەی عەبدول محمەد خێرزادا کە بە هەمان شێوە جە شارو کۆبانێ-وە بەشداربیەن ئاماژەش پانەی دا سەرەڕاو گرڎو هرووژمەکا ماوەو دووۍ ڕووان ئینایمۍ چۍ پەی پارێزنای بەنداوەکەی و بە گرڎ ئیرادێوە جە دژو هرووژمەکا مرداوە.
هاموڵاتیێوە تەریچ بەنامۍ فەتحی مسلمی کە جە شارو کۆبانێ-وە ئاما بۍ، دەسنیشانش کەرد پېسە چنی جە مڎرامانوو کۆبانێنە داعششا ماڕا، بە هەمان شێوە بە مڎرامانو ئیساتێچ مەڕیای مکەرا بە بەشەو دۆڵەتو تورکی ئەرەگیری و چەتەکاش.
