چالاکییەکاو ئێشکگێریی داڎپەروەری پەی ئازادیی جەسەیی ڕابەروو گەلوو کوردی عەبدوڵا ئۆجالانی و چارەسەری سیاسیی پەرسەو کوردی بە پەشتیوانیی گەلی بەرڎەواما.

وان

چالاکییەکەو وانی ٦٤ ڕوێن بەرڎەواما.

کاندیدوو هامسەرۆکوو شارەوانیی دەم پارتی، ڕەشاد ئەرسەلان واتش: "چالاکیی مانگێرتەی جە وارڎەی و ئێشکگێریی داڎپەروەریی قەماو زیندانییا مەبارەک کەرمێ، ئێمە دایمە هامشانوو گەلی کۆشیەیمێ".

ئامەد

چالاکییەکەو ئامەدی ٦٤ ڕوێ بەرڎەواما.

بە بۆنەو ساڵیاڎوو بوومەلەرزەکەو ٦ شوباتیوە، چالاکیێوە بێدەنگ کریا، ئەڎایاو قوربانییا بوومەلەرزەکەیشا یاڎێ کەردێوە.

ئێلح

چالاکییەکەو ئێلحی ٦ ڕوێن بەرڎەواما.

کاندیداو هامسەرۆکوو شارەوانیی دەم پارتی، هامشانوو گەلی پێسە پەشتیوانیێوە سەرێ چالاکییەکەیشا دا.

مێردین

چالاکییەکەو مێردینی ٣١ ڕوێ بەرڎەواما.

 چالاکییەکەنە تیشکە وزیا سەروو "ڕاپیمای گەورەو ئازادی"ی و قوربانییاو بوومەلەرزەکەی یاڎێ کریێوە.

ئەدەنە

چالاکییەکەو ئەدەنەی ٦٥ ڕوێ بەرڎەواما.

چالاکییەکە بە بەشداریی ئەڎایاو ئاشتی کریا، چالاکییەکەنە داواو ئازادیی ڕابەروو گەلوو کوردی عەبدوڵا ئۆجالانی کریا.

مێرسین

چالاکییەکەو مێرسینی ٦٥ ڕوێ بەرڎەواما. ئەڎایاو ئاشتی پەشتگیرییشا جە چالاکییەکەی کەرد و داوێکێشا بەرێ وستێ.

ئیستەنبوڵ

چالاکییەکەو ئیستەنبوڵی ٥٦ ڕوێ بەرڎەواما.

چالاکییەکەنە ئەوەخوای کریاوە، تا ماڕای گۆشەگیری، ئی چالاکییە بەرڎەوام بۆ.