چېن جەڕوانگەو تەکنەلۊجېایۊ ۋەڵۍ ئەمریکایش داۋە
ئېنېستېتۊو سېاسەتو ستراتېژی ئوسترالېای ئەرەیاۋناش؛ جە ڕوو ٤٤ تەکنەلۊجیایاۋە، چېن جە ٣٧ تەکنەلۊجیاشانە ئېنا ۋەڵۍ ئەمریکاینە.
ئېنېستېتۊو سېاسەتو ستراتېژی ئوسترالېای گوزارشتێش ئاماڎە کەرڎەن کە جەڕۊنامەو گاردیانېنە ۋەڵاو کریانۊ و ئاماژەش دان بە ۋەڵێکۊتەوچېنی جە ڕوو تەکنەلۊجېایۊ.
بەپاو گوزارشتەکەی، ۋنەکۊڵیای سەرو ٤٤ جۊرا جە تەکنەلۊجیای کریان و چین جە ٣٧ تەکنەلۊجیایاشانە ئېنا ۋەڵۍ ئەمریکاینە و گرڎو ۋڵاتا ۋەرنیشتېش ۋیەرنان.
بەپاو گوزارشتەکەی، ئەمرېکا تەنېا جە ڕوو ۋەشکەرڎەو چەنێۋ، کۊمپېوتەری و سېستمو موشەکانە ئېنا ۋەڵێنە.
نۋیسەرۍ گوزارشتەکەی ئەرەیاۋناشا؛ کە جە ۋنەکۊڵیاکەیشانە بەرکۊتەن، چېن جە جەھانەنە
بناغەو ھێزو سوپەرو زانستو تەکنەلۊجېاین جە ئېسەنە.
جە فرەو ٤٤ تەکنەلۊجېاکەینە ئەکادیمېاو زانستی چېنی، یان ئېنا پلەی یەکەمەنە یان ئېناپلەی دوۋەمەنە.
ئېنیستېتۊکە ماچۊ، چېن جە ڕوانگەو ۋەشکەرڎەو موشەکی ھایپەرسۊنېکېچەنە بەشێۋێۋی خێرا ۋەڵۍ گنۊ.
حەرپاسە باسش چانەی کەرڎ؛ چی پەنج ساڵە دماینەنە، سەڎەنە٤٨ – ٤٩ و ۋتارو ۋنەکۊڵیا زانستیە کارېگەرەکا جە تەرەفو چېنېۊ ئەنجامدریێنۍ. جە ١٠ ئېنېستېتۊگرنگا جەھانی حۊتشا چېنېێنۍ.
ھ.ش
