چنین کەسێ جە ئەنقەرەنە باڵبەسێ کریێ
هیزی شەوێ پۆلیس هورش کوا سەرو چن یانێوەو سەرسەعبوو ئارۆی جە ئەنقەرەنە چنین کەسێش باڵبەسێ کەردێ.
دماو ئانەی ونکارا زانکۆو تەکنیکو وەرکەوتوو مییامینی (ODTU) ناڕەزایەتیشا بەربڕی جە دژو باڵبەسکەردەو سەرۆکو شارەوانی گۆرەو شارو ئەستەنبوڵی ئەکرەم ئیمام ئۆغلوو، جە لایەنو پۆلیسیۆ زیا جە ٢٠٠ ونکارێشا باڵبەسێ کەردێ. ونکارێش جە وەراوەرو پاشێلکارییەکا پۆلیسی درێژە بە چالاکی شەرمەزارکەردەو باڵبەسکەردەو ٢٠٠ ونکارا باڵبەسەکێشا مڏانە.
سەر سەعبو ئارۆی پۆلیس هورش کوا سەرو چن یانێوەرە جە ئەنقەرە و چنین کەسێش باڵبەسێ کەردێ کە وەلی ساچلکی کۆمەڵناسیشش ئینا دلێنە.
نوسینگەو یاسایی ئەنقەرەی دەبارەو هورکواکا پۆلیسی قسێش کەردێ و ئینەش وات: "ڕاوەبەرایەتی ئاسایشو ئەنقەرەی، ئارۆ هورش کوا سەرو چن یانێوە و چن کەسێش باڵبەسێ کەردێ. ئەرەیاوناو دواکاری گرڏی ئەرەیاوناش ئەوەکۆڵییای جە ٢٢ کەسا دەسش پنەکەردەن. پێسەو نوسینگەی لواشۆنی پەی بابەتەکەی مکەرمێنە."
