چەتەکۍ نیازشا ھەن وەروبوومە کشتوکاڵییەکا پۍ تورکیای دزا
شانڎێوە چەتەکا ئەرەگیری ترکی چېرو نامۍ «الائتلاف الوطنی» چنی هامتاکاشا جە کانتۊنو گرۍ سپی کۊبیېۋە، پەی باسکەرڎەی چانەی کە چنی وەروبوومە کشتوکاڵییەکا ئی فەصڵەیە دزا و کیاناش پۍ تورکیای.
سەرچەمېوە جە دلېنەو کانتۊنو گرۍ سپی ئەرەگیرکریاینە ئەرەیاۋناش، ئەنڎامو «الائتلاف الوطنی» پاشکۊو ئەرەگیرو ترکی، عەبدول ئەحەد ستیفۊ و عەبدولباسط وەیس سەرۊکو لوجنەو جەزیرەی و فوراتی، سەرداو کانتۊنو گرێۍ سپی ئەرەگیرکریایشا کەرڎ، چەمشا کۊت بە ئەنڎاما مەجلیسو هەرێمو گرۍ سپی.
بەپاو هەمان سەرچەمەی، هەردویلا باسشا جە پلان و میکانیزمەکا کەرڎەن پۍ فاڕایۊ وەروبوومە کشتوکاڵییەکا ئی وەرزەیە پۍ تورکیای.
ئاژانسو هاوار نیوزی، ساڵەو پاری بە ڤیدیۊ تۊمارش کەرڎ، کە چنی وەروبوومە کشتوکاڵییەکا ئەرەنیشتا کانتۊنە ئەرەگیرکریاکا دزانە و جە مەرزەکاوە ڕەوانەو تورکیایش کەرا، ئا وەختە خەڵکو مەنتیقەکا دەنگشا ھوربڕی و چەتەکۍ و ئەنڎامۍ مەجلیسەکەیشا بە «دز» نامۍ بەرڎ.
مشۊ ئاماژە پانەی کریۊ کە، ئەرەنیشتۍ کانتۊنە ئەرەگیرکریاکا وەردەوام دەسو کەمی نانی و گرانی سیعرەکاوە ناڵنا، چونکی دۊڵەتو ئەرەگیرو ترکی میقدارۍ کەم ئاردی کیانۊ و دەسش سەرو بژێۋیشارە گېرتەن.
ھ.ش
