چەتەکۍ دۆڵەتو تورکی ئەرەگیری کە هێزی هرووژمێوە قورسشا کەرڎ سەرو بەنداوو تشرینی و دەوروبەریش، گورزێوە قورسەشا ۋەرکۊتە. ئەرەیاۋېیا کە ٦٣ چەتۍ کوشیێنۍ، ٣٧ چەتێچ زامڎارۍ بیێنۍ. هەرپاسە چڼین ترۆمبێلۍ سەروازیۍ دلێنەبریێنۍ.
مېیانو ئەرەیاۋنای قەسەدەی جە بارەو ئامارەو دماینو جەنگ و هێزی جە سەرنیشتوو بەنداوو تشرینی و دەگایەکا پانیشتوو ۋەرکۊتو منبجی ئەرەیاۋنێوەش وەڵا کەرڎۆ.
جە ئەرەیاۋناکەینە ئامان: "جە جەنگ و ملەملانەکا هێزی چوارشممەینە جە سەرنیشتوو بەنداوو تشرینی و پانیستوو ۋەرکۊتوو منبجی، ٦٣ چەتۍ دۆڵەتو تورکی ئەرەگیری کوشیێنۍ و ٣٧ چەتێچ زامڎارۍ بیێنۍ. ئاژەو بەشێوە فرە جە زامڎارەکایچ خراپا.
سەرسەعبو هێزی چەتەکۍ دۆڵەتو تورکی ئەرەگیری بە پەشتیوانی فرۆکەی جەنگی و فڕۆکەی بێ فڕۆکەوانو دۆڵەتو تورکی ئەرەگیری هرووژمێوە ۋەر وەڵاشا کەرڎ سەرو دەگایەکا عەلوش، تل عەریشی و تەپو سریاتەلی جە دەوروبەرو بەنداوو تشرینی و پانیشتوو ۋەرکۊتوو منبجی و تەپو دەگاو تل زەمالەی. هێزەکێما ۋەرپەرچو هرووژمەکاسا دێوە و جەنگێوە قورس ڕووەشدا. چا جەنگەنە کە تا وێرەگا بەردەوام بۍ، ٦٣ چەتۍ کوشیۍ.
هەرپاسە تانکێوە، ٥ ترۆمبێلۍ سەروازیۍ و ٣ ترۊمبێلۍ زرێپۆشۍ جە جۆرو بی ئێم بی دلێنەبریێنۍ.
بەمەڵامەتوو مڎرامانوو هێزەکاماوە چەتەکۍ ناچارۍ بیۍ بڕەما و کوشیۍ و ترۆمبێلە مەڕیێکێشا شۊنەو ۋێشارە جیا ئاستۍ".
