دادگاو هەمیشەیی گەلا (PPT) سەبارەت بە تاوانە جەنگییەکا دۆڵەتو تورکیای و چەتەکاش جە وەرنیشتوو-سەرنیشتینە و وەرکەوتوو سوریاینە جە ڕووەکا 5-6و شوباتی جە برۆکسلەنە گلێربۆوە و ئەوکۆڵیای دەس پنەکەرۆ. ئەرەنیشتەکانە کە زانکۆو ڤریژەینە ملۆ ڕاوە، بە مەبەسو ڕاگیری کەردەی جە کۆچو زۆرەملێ، تیرۆرکەردەی، بەکارئاردەی چەکی قەدەغەکریا، ئەشکەنجەدای و دلێبەردەی ئاسەوارە کولتوورییەکا، ئا تۆمەتا ئاراستەو دۆڵەتو تورکیای کریێنێ ئەوکۆڵیایشا جەبارۆ کریۆنە.

ئا بابەتێ کە جە دادگانە قسێشا سەر کریۆ و ئەوەکۆڵیای ئینێنێ:

کۆچی زۆرەملێ

شایەتحاڵەکێ باس جە کۆچو زۆرەملێی ئەرەنیشتا کوردی جە عەفرین و سەرێکانینە مکەرا. ماوەو ئی ئەرەگیریانە فاڕیای دیمۆگرافی جە ئاستێوە وەرچەمەنە ئەنجامدریان و ڕاپۆرت سەرو تاوانەکا جەنگی پێسەو توندوتیژی رەگەزی جەوێ گێرۆنە.

بەکارئاردەو چەکی قەدەغەکریای

هەرپاسە بەڵگە سەرو ئانەیە وزیۆ ڕووە کە دۆڵەتو تورکی چەکی قەدەغەکریا پێسەو فسفۆری چەرمەی دژو مەکتەبەکا، خەسەخانەکا و هاموڵاتیێ مەدەنی و چێرخانو مەنتیقەکا بەکارئاردەن.

تیرۆر و کوشتەی هاموڵاتیا مەدەنیێ

لواشۆنیرە پەی کوشتەو هەڤرین خەلەفێ، یۆ جە داکۆکیکارەکا مافو مروڤی و ئاشتی و هەرپاسە تنو دژی دژو کەسا مەدەنیێ.

دلێبەردەی میراتو کلتووری

دلێبەردەی قەبرەموبارەکەکاو ئێزدییەکا، هەرپاسە دلێبەردەی سیستماتیکو یاگە کلتووریەکا، تاڵانکەردەو یاگەکا، پێسەو پاشێلکەردە ڕێککەوتە جەهانییەکا پەی پارێزناو سەروەت و سامانو کلتووری، ئەوەکۆڵیای و هۆرسەنگنایشا پەی کریۆ.

ئەشکەنجە و بەندکەردەی نایاسایی

هەرپاسە ڕاپۆرتەکێ سەرو ئەشکەنجەدای و دەس سەرەرەگێرتەی هەڕەمەکی پێسەو بەشێ جە ستراتیژو هەمەلایەنەی پەی سەرکوتکەردەو شناسنامەو نەتەوەیی و کلتووری هاموڵاتیێ مەنتیقەکەی ئەوەکۆڵیایش سەر کریۆ.

دادگاو هەمیشەیی گەلا سەرو داواو ڕەسمی ڕێکوزیاکا بوارو یاسێ و مافەکا مرۆڤی جە ئەوروپا و سەرنیشتوو وەرکەوتوو سوریای ئەرەمەرزیان. ئی ڕێکوزیێ هەوڵمرا پاشێلکارییەکا دژو مافو مرۆڤی جە مەنتیقەکەنە بەبەڵگە تومار بکەرا و دما دمای بە کردەوە دژە مروییەکا بارانە. دادگا ئاماژە بانەیە مکەرۆ کە کردەوەکا دۆڵەتو تورکیای هەوڵەکێش بە ئامانجو دلێبەردەی سیستەمو دیموکراتیکو شۆڕشو گەلا جە وەرنیشتەنە  بییەن.

یاگێ ئاماژەین دادگاو هەمیشەیی گەلا ساڵەۆو ١٩٧٩ ئیتاڵیانە ئەرەمەرزیان.

متاوتێ زانیاری وردتەر ماڵپەڕو دادگاکەینە هۆرگێرتێ: (https://rojavapeoplestribunal.org)

Rojava Peoples Tribunal (https://rojavapeoplestribunal.org/)

Rojava Peoples Tribunal.

Permanent Peo