دادگاو ئێرانی قەرارو باڵبەسکەردەی ئەمجەد ئەمینیش دا
ئەمجەد ئەمینی تاتەو گەشمەرڎە ژینا ئەمینیۍ ئەرەیاۋناش بە بەهانۍ ئانەی جە دژو سزاو جە قەنارەدای پەیامش وەڵا کەردەنۆ، دادگا قەرارو باڵبەسکەردەیش بەرکەردەن.
ئەمجەد ئەمینی تاتەو ژینا ئەمینیێ ئەرەیاوناش، جە لایەنو دەسەڵاتدارا ئێرانیۆ خوڵقەو دادگای کریانی و قەرارو باڵبەسکەردەیم پەی بەرشییەن، ماچۆ، ئا قەرارە بە مەڵامەتو وەڵاکەردەیۆ پەیامێوەم بێ جە دژو پەسەن کەردەو سزاو جەقەنارەدای پەی پەخشان عەزیزیێ.
ئەمجەد ئەمینی ئەرەیاوناش، ڕۆو جومعەی ویەردەی جە لایەنو دادگاو شۆڕشو سەقزی دۆسییێوە بە تۆمەتو”پرۆپاگەندەی دژو دۆڵەتی” و “وەڵاکەردەیۆ بابەتێ دروێم” پەی کریانۆ و چڕیانا دادگا و قەرارو باڵبەسکەردەیم پەی بەرشییەن.
ماچۆ، تا کاتو دادگایی کەردەکەیم باڵبەس کریۆنە
ئاماژەش پانەیچ دا، کەردەیۆ دۆسییەکەیم و چڕیایم پەی دادگای دماو وەڵاکەردەیۆ پەیامێوەم بێ جە دژو پەسەن کەردەی سزاو جەقەنارەدای پەخشان عەزیزیێ
