دۊغانە: پەی ئایندێوە ئازاڎی، دەنگ دەیدێ بە پارتوو چەپی سەوزی
کاندیدەو پارتوو چەپی سەوزی، ئایشەگوڵ دۊغانە، واتش: «با دەنگ دەیمێ بە پارتوو چەپی سەوزی، پەی ئازاڎیی ژەنا، دژوو ئا مشکیلا بۊنەو ئابووریی جەنگی و بێکارییوە پەیدێ بیێنێ».
دۊغانە: پەی ئایندێوە ئازاڎی، دەنگ دەیدێ بە پارتوو چەپی سەوزی
کاندیدوو پەرلەمانوو پارتوو چەپی سەوزی جە شەرناخنە، ئایشەگوڵ دۊغانە، قسێش پەی ئاژانسوو هەواڵوو فورات (ANF)ی کەرڎێ، ئاماژەش پانەیە کەرد، ئینە یووەم جارا جە وەڵاتنە ڕێککەوتەێوە کۊمەڵایەتی هەن سەبارەت بە بنیاتنیای سیستمێوە تازەی.
ئایشەگوڵ دۊغانە واتش: «هومێدم هەن حیچ دەنگدەرێوە جە شەرناخنە نەمەنەبۊوە قەرارش نەدابۊ، چی دەنگ مەدا بە پارتوو چەپی سەوزی؟ پەنەوازا دەنگ دەیدێ بە شەرناخێوە سەوزی، گرد چێو چێگە ئینا چێروو سەرمەشقبییەی ژەنانە، کەچی هەڵای ژەنی ڕاستەوخۊ لاو سیاسەتوو جەنگی تایبەتیوە کریا ئامانج. تا ئەدێ و کناچێ ئازاڎتەرێ با و قوربانیی زیاڎتەر نەدا، پەنەوازا دەنگ دەیمێ. بەداخۊ، بێهەرمانی مشکیلێوە گەورەن چێگە. مەتاومێ مشکیلە ئابوورییەکا جیا کەرمیوە جە ئابووریی جەنگی. پەی دلێنەبەرڎەی ئی مشکیلەیە، پەنەوزا دەنگ دەیمێ بە پارتوو چەپی سەوزی. پەی تورکیاێوە دیموکراتیکی و ئایندێوە ئازاڎی، پەنەوازا دەنگ بە ئێمە دەیدێ».
س.ز
