دەم پارتی: دژو کودەتاو قەیوەمی مردۆوە
دەم پارتی ناڕەزایەتی وێش جە دژو دەس سەرەرەگێرتەی شارەوانی ئاکدەنیزی نیشانەدا و ئەرەیاوناش: "هەرچنە هرووژم کەرانە سەرو ئیرادەو گەلی، زیاتەر دۆڕیانە. هامشێوەو هیزی ئارۆیش وەرەنگارێ بیمێ."
دەسەو ڕاوەبەرایەتی میانو دەم پارتی دەربارەو دەس سەرەرەگێرتەی شارەوانی ئاکدەنیزی ئەرەیاونێوە نویسریاش وەڵاکەردۆ.
دەم پارتی دەستنیشانش کەرد کە هامسەرۆکا شارەوانی ئاکدەنیزی نورییە ئاسڵانەو، هۆشیار ساریەڵدز و ئەنداماو ئەنجوومەنو شارەوانی ئۆزگور چاگلار، نەسلیخان ئۆرچ و حیکمەت باقڕخان سەرو قەرارو دەسەسەڵاتداری گیریێنێ و قەیوم سەرو شارەوانی ئاکدەنیزی سەپیان.
دەم پارتی ئاماژەش پانەیەدا دەسەڵاتداری ئاکەپەی بە جەدەسداو پەشتیوانی کۆمەڵایەتی، جە وەراوەرەنە نکۆڵی جە ئیرادەو گەلی مکەرۆوە و جە دژو هورچنییەو گەلی جەنگ دەس پنەکەرۆوە.
ئەرەیاوناکەینە دەم پارتی ئاماژەش پانەیەدان سەپناو قەیومی هامکات جە دژو پرۆسەو ئاشتین و ئەرەیاوناش، گرنگ نییا چێش کەردێ، هەر شکست بەشو دەسەڵاتداری ئاکەپەین.
جە دماینە دەم پارتی جەختش سەرو پارێزناو ئیرادەو گەلی کەردەنۆ و ماچۆ: "پێسەو گرڏ کاتێ وەرەنگارش بیمێ. سەرەڕو گرڏ جۆرە پڕوپاگەندێوە پەی سەروستەو ئا پرۆسەیە کە پەی گەلەکەیما هیوا بونیاد منیۆ، چنی بەشو ئاشتیوازی کۆمەڵایەتی درێژە بە ئەوەکۆشایما مرەیمێ. سەرەڕاو بییەو ئی عەقڵیەتەیە کودەتا و قەیوم، بە دڵنیاییۆ سەرێ گنا."
