دەسەو ڕاوەبەری دەم پارتی ئەرەیاۋناش، هېزی جە ئامەڎەنە ئەنجومەنوو گەنجاو پارتەکەیشا یووەمین کۆنگرەی ئاسایی ۋېش بەست. ماوەو چن مانگېن پۍ ڕاگېرتەی جە بەستەی ئا کۆنگرەیە بە گرڎ جۆرێوە فشار وزیان سەروو گەنجا، حەر جە دەسبەسەرکەرڎەی، زینڎانی کەردەی و بڕفانای تا گرڎ جۆرە ڕاگیریېوە. "سەرەڕاو گرڎوو ئا هجووم و ڕاگیریا بە هەزاران هامڕۍ گەنجۍ بەشدارۍ کۆنگرەو ئەنجومەنوو گەنجاو دەم پارتی بېنۍ و کۆنگرەکە فاڕیان پۍ کۆنگرەو قەرارداری و ئاشتی".

بە ئەشکەنجە و دایوەنەی گیریېنۍ

جە درێژەو ئەرەیاۋناکەینە ئامان، "کۆنگرەکە جە لایەنوو بڕۍ لایەنۍ تاریک پەرسیۆ کریان ئامانج، سەروو ئەمرەو وەزیروو دادی ۋنەپەرسایۆ دەسشپنەکریان و هێزەکۍ چېروو کۆنتڕۆڵوو دەسەڵاتی هجومشا کەرڎەن سەروو هامڕا گەنجەکاما و سەروو جاڎەیۆ ئەشکەنجەشا دېنۍ و لاوکەمیۆ ٦٠ هامرێما بە ئەشکەنجە و دایوەنەی گیریېنۍ ".

ئەرەیاۋنانیچش: "ئێمە ئا تنوتیژی و ئەشکەنجەدایە بە تنی شەرمەزار کەرمۍ. ئامانجوو سەرەکی ئا هجومە پلانپۍ مجیایرە تۆقنای ئا کەسانە کە پاگیری سەروو چارەسەری پرسوو کوردی بە ڕاو دیموکراتیکی و ئاشتیانەی کەرا".

'دەسەڵات پەرە بە جەنگی و مەردەی مڎۆ'

جە دمادمایی ئەرەیاۋناکەو دەم پارتینە ئامان، " داوا جە گرڎ لېوە کەرمۍ کە جە دژوو ئی کردەوا دەسەڵاتی، کە پەرە بە جەنگی و مەردەی مڎۆ مرداوە و هەڵوێسشا بۆ. مشۊم هامڕا گەنجەکېما دەموودەس ئازاڎ کریا. مشۊم دەسەڵاتیچ ئانەی جە وبیر نەکەرۆ کە شییەینەکەش چېش بۆ با بۆ، ئێمە پەی چەسپناو ئاشتی چی وڵاتەنە و چارەسەری پرسوو کوردی بە ڕاو دیموکراتیکی درێژە بە حۊڵەکاما مڎەیمۍ. ڕا جە کوشتەی گېرمۍ و بە دڵنیاییوە سەرۍ گنمۍ".