هامسەرۆکا گرڏی دەم پارتی تولای حاتەم ئۆغۆللارەو و تونجەر باقرخان جەژنەو ڕەمەزانیشا موبارەکە کەردە و واتشا: "بەبۆنۆ ئی جەژنێوە هیوادارێنمێ بانگەوازو ئاشتی و گلێرگەو دیموکراتیکی جابەجێ کریۆنە. ئا ڕووەی ئاشتی بە دی مێنە، بۆنە جەژنەو گۆرێ تورکیای."
هامسەرۆکا گرڏی دەم پارتی تولای حاتەم ئۆغۆللارەو وتونجەر باقرخان بە ئەرەیاونێوە جەژنەو ڕەمەزانیشا موبارەکە کەردە.
جە ئەرەیاوناکەینە هیوادارێنێ جەژنە بۆنە مەڵامەتو ئانەی بە یۆگێرتەی ئێشە هامبەشەکا ویەرنانە، هیوا زیا بکەرا و دەسپێکێوە تازە بنیاد بنیا و وچیا: "هیوادارێنمێ جەژنەو ڕەمەزانی دمای بە هەژاری، نایاسایی و نایەکسانی بارۆنە و بەرە جە سەردەمێوە تازە بکەرۆوە کە گرڏ لەسێ دلێشەنە بە ئارامی ژیوای بکەرۆ."
جە بەردەوامی ئەرەیاوناکەینە جەخت جە ئەنجامداو دیالۆگی کریانۆ و ئامان: "ئارۆ وەرپرسیارێتی هامبەشو ئێمە ئانەن جە ڕاو دیالۆگی، ڕێکەوتەو دیموکراتیکی و ئەرەنیشتەی ئا گرژی سیاسی و گلێرگەییا وڵاتەکەیما ویەرنمێنە. تاومێنە گرڏو پەرسەکاما بە هەڵوێسێوە ڕێزدار و سەرو بنەماو دیموکراتیکی چارەسەر بکەرمێنە."
جە دماینو ئەرەیاونالەینە سەرنج وسیان سەرو پرۆسەو بانگەوازو 'ئاشتی و گلێرگەی دیموکراتیک'و ڕابەر ئاپۆی و وچیان: "بەبۆنۆو جەژنەو ڕەمەزانیۆ هیوادارێنمێ بانگەوازو ئاشتی و گلێرگەی دیموکراتیک جابەجێ کریۆنە. ئا ڕووەی ئاشتی بە دی مێ، بۆنە جەژنەو گۆرێ تورکیای.
هیوادارێنمێ جەژنەو ڕەمەزانی بۆنە مەڵامەتو ئاشتی و دیموکراسی پەی ٨٥ میلیۆن هامووڵاتییاما و ئازادی گرڏو زینانییا سیاسی کە ئینێ زینانەنە. جەژنە جە گرڏ کەسێ جە دڵۆ موبارەکە مکەرمێنە."
