پېسە هامکاری و هامخەمیېوە ئیدارەو ۋێڕاوەبەری هەڵمەتۊ گلېرکەرڎەیۆ هامکاریش پەی گەلو عەلەوییەکا دەسپنەکەرڎەبۍ، دماو ئانەی ڕووبەڕوو قڕکارییەکا هەتەشەی بېیېوە. هامکاریەکۍ جە ڕاو مانگەو سووری کورڎییوە یاوېیا بە هەزاران هاموڵاتیا عەلەوی.
ئیدارەو ۋېڕاوەبەری سەرنیشت و ۋەرکۊتوو سوریای دەسشکەرڎەبۍ بە هەڵمەتۊ گلېرکەرڎەیۆ هامکاری و پاڵپەشتیکەرڎەی جە گەلو عەلەویی کە چېرو هەڕەشۍ هورووژمە قڕکارییەکا هەتەشەینە بېنۍ. دماو شش ڕوا ئیدارەو ۋېڕاوەبەری هامکارییەکۍ هەڵمەتەکېش یاونا بە هەزاران هاموڵاتیا گەلو عەلەوی. جە ۋەراۋەرەنە گەلو عەلەوی داواش جە ئیدارەو ۋێڕاوەبەری کەرد درېژە بە پەیوەندییەکاشا بڎا و بە هېزتەرش بکەرا.
جە هەڵمەتەکېنە ئی پەنەوازیۍ یاوۍ دەسو هاموڵاتیا عەلەوی:
جە چوارچېوەو هەڵمەتەکېنە ٨ هەزارۍ و ٥٠٠ کارتۆنۍ هامکاری، ٣٥٠ تەنۍ ئارڎیی، ٦ هەزار کارتۆنۍ واردە و ٢ هەزارۍ و ٥٠٠ کارتۆنۍ پەنەوازییەکۍ پاککەرڎەیۆ کوۍ کریېوە.
کارەوانو هامکارییەکا جە ٦و ئاداریوە جە ئیدارەو ۋێڕاوەبەریوە کۊتڕا و دماو ٦ ڕوا یاوا دەسو هاموڵاتیا لازقیە، جەبلێ و بانیاسی.
