کۆمیتەو گەلا و باوەڕمەندییەکا کەجەکەی، بە بۆنۆو ئاماو جەژنەو ڕەمەزانێ موبارەکێوە ئەرەیاونێوەش وەڵاکەردۆ و واتش: "هیوادارێنمێ ئی جەژنێ پەی گلێرگەکا وەرکەوتوو مییامینی و گەلا موسڵمانی دادپەروەری، یەکسانی و ئازادی بارۆنە."
کۆمیتەو گەلا و باوەڕمەندییەکێ کەجەکەی بە بۆنۆ ئاماو جەژنەو ڕەمەزانیۆ ئەرەیاونێوە نوسریاش وەڵاکەردۆ. ئەرەیاوناکەینە ئاماژە پانەیە کریان؛ جە غەززە، سووریا، وەرنیشتوو ناوچە موسڵمانە نیشینەکا تەرێ جە مانگەو ڕەمەزانینە بە سەختی و هرووژمەنە ویەرانە و ئینە وچیان: "جەژنە جە گەلەکەیما موبارەکە مکەرمێنە کە بە بڕواداری وێشاوە جە دژو هرووژمەکاوە مرداوە." جە درێژەو ئەرەیاوناکەینە سەرنج وسیان سەرو کۆمکووژیی سەرو گەلووعەلەوی کە جە سووریانە ژیوانە و دووچارو کۆمکووژی بیێنێوە و ئینە وچیان: "پەی ئەرەمەزنارەو ژیوایێ ئازادی، یەکسانی و هامبەشی مشۆم گرڏما بە وەرپرسیارێتی وێما هورسمێنە."
تەمامو ئەرەیاوناکەو کەجەکەی پی جۆرەنە:
"جیهانو ئیسلامی بە تەمامکەردەو ڕووەکا مانگەو ڕەمەزانی ساڵەو ٢٠٢٥نە ئینا ئامادەکاریینە پەی ئانەی جەژنەو ڕەمەزانی موبارەکە بکەرۆ. پێسەو تەڤگەری سەرەتا جەژنەو ڕەمەزانی جە جیهانو ئیسلامی موبارەکە مکەرمێنە و هیوادارێنمێ ئی جەژنەو ڕەمەزانییە پەی ئاردە دیو دادپەروەری، یەکسانی و ئازادی جە وەرکەوتوو مییامینی و جیهانو ئیسلامی، پەی ئاشتی و یەکسانی بەینو گەلا و باوەردارییەکانە بۆنە سەروەری و بۆنە ئامرازێ پەی پەرەدای بە ژیوایێ دیموکراتیک. هیوادارێنمێ ئاشتی، ئازادی، یۆبییەی، یۆگێرتەی، یەکسانی، واڵەو-برایەتی و بەرەکەت بارۆنە پەی گرڏو گەلا موسڵمانی کە ڕۆچەکاشا بە نیازێ خاس، دوعای عالە و هەرمانە خاسە تەمام مکەرا.
پێسەو گلێرگەکێ وەرکەوتوو دلێڕسەوی جەژنە دلێ جەنگێ سەخت و گرژی و ئەوەکۆشای کۆمەڵایەتیینە ویەرنمێنە. گلێرگە موسڵمانەکێما کە ئینێ جوگرافیای جیاوازنە مژیوا، ڕووبەڕوو قەیرانو ئابووری، سیاسەتەکێ کۆڵۆنیالی- کێشە سیاسییەکا بیێنێوە. جە چن شارێ وەرکەوتوو مییامینینە، وە بە تایبەت جە غەززە، سووریا، وەرنیشت، پانیشت و هەرێمەکا گەریلای، هرووژمەکێ جە مانگەو ڕەمەزانینە سەرو غەززەی درێژەشا هەن. گەلوو عەلەوی جە مانگەو ڕەمەزانینە جە سووریانە قڕکریێ. سەرەڕاو ئەرەیاوناو ئایێربەستەی گرڏ ڕوێ بە سەدان جارێ جە زەمینۆ بە تۆپ و تانک، جە ئاسمانۆ بە فڕۆکەی بێفڕۆکەوان و فڕۆکەی جەنگی مێڏانەکێ گەریلای بۆمبواران کریێ. پی بۆنۆ گەرەکمانە ئانەیە یاڏ بارمێ مڏرامان و موسڵمانا جە دژو هرووژمەکا سەرەڕاو ڕۆچێ ڕەمەزانەو مەبارەکی، ئنەو پەرستشەکاشا موبارەکا. جەژنەو ڕەمەزانی جە گرڏو موسڵمانا موبارەک مکەرمێنە کە گرڏ یاگێنە جێگەیەکئینێ مڏرامانەنە. داوا جە گرڏو موسڵمانا مکەرمێنە کە جە ئاینداری و حەقیقەت، دادپەروەری، ئاشتی، عالی و ڕاستیینە جە قۆناغەکا ئایندەینە هامکاری ئەوەکۆشای دیموکراسی بکەرا کە بە سەرمەشقایەتی گەلوو کوردی ئینا ئارانە.
کوردستانیانی وڵاتپارێزی هێژا؛
چی پرۆسەنە کە گەواهیدەرو پرۆسێوە تازەین و مییانگەکەش کورد و کوردەسانا جە وەرکەوتوو دلێڕاسەینە پێوەرە پێشوازی جە جەژنەو ڕەمەزانی مکەرمێنە. کوردێ موسڵمانێ مانگێوە کە ڕۆچێشا گێرتێنە بە چالاکی دیموکراتیکی و ئەوەکۆشای جە مێڏانەکانە ویەرنا. ئەوەکۆشای گۆرەو گەلوو کوردی کە بە ٨و ئاداریۆ دەسش پنەکەرد و جە نەورۆزنە یاوا ترۆپ، پەیامێوە تاریخیشا دا. ئی پرۆسەیە کە بە ماناداریی تاریخیۆ دلێشەنە گلێرێ بیێوە، ئیمکانەکێ پێکئاردەو شۆڕشو ئازادی، ڕوانگەو نەتەوەو دیموکراتیکی، بنیادنیاو گلێرگەی ئەخلاقی و سیاسی جە هێڵەو شارستانێتی دیموکراتیکینە زیاتەر گۆرە بۆنە و وەڵێ گنۆنە. پێسەو گرڏ کەسێ ئی پرۆسە تاریخییە ئەرک و وەرپرسیارێتی وسۆنە سەرو شاناو زانایا ئاینی سەرو بناغەو بنیادنیاو ژیوای ئازادی، یەکسانی و هامبەشی ئەرەمەزنارەو مۆدێلو ژیوای دیموکراتیکی و ئازادی گەلا و ڕاوەبەردەو ئەوەکۆشای سەردەمی بە ئامانجی گۆرە .
پی بۆنۆ پێسەو تەڤگەری جارێوە تەر جەژنەو ڕەمەزانی جە گرڏ و گەلوو وڵاتپارێزیما و دۆساشا موبارەک مکەرمێنە و هیوادارێنمێ نیاز و دوعاشا قبوڵە بییەبۆ. مشۆم جە جەژنەو ڕەمەزانینە بەهێزتر خاوەنداری جە گەشمەرڏاما بکەرمێنە و یاڏشا بکەرمێوە. مشۆم بەشێوێ کۆمەڵ سەردانو قەبرسانو گەشمەرڏاما بکەرمێنە و یۆگێرتەو وێنا بە بنەیانەو زینانیا و بەتایبەت بنەماڵەو گەشمەرڏاوە جە بەرزترین ئاستەنە نیشانە دەیمێنە.
داوا جە گەلوو کوردی جە حەر چوارپارچەو کوردەسانی و گرڏ یاگێ جەهانی مکەرمێنە، ئی جەژنەو ڕەمەزانیە بکەرا ئامرازێ بەهێزکەردەو یۆبییەی، داوا جە گلێرگەو وەرکەوتوو مییامینی، گرڏس لایەنەکا موسڵمانو دیموکراتیکی مکەرمێنە بە هۆشمەندی نەتەوەیی دیموکراتیکیۆ وێشا بە ڕێکوزتەی بکەرا و یۆبییەی گەلا وەرکەوتوو مییامینو دیموکراتیکی بەهێز بکەرا. دیسانۆ هیوادارێنمێ ئی جەژنە و دادپەروەری و، ئاشتی، واڵەو-برایەتی و ئازادی پەی گەلا بارۆنە و جەژنەو ڕەمەزانی جە گرڏو گەلوو موسڵمانی و بە تایبەت گەلوو کوردی و گەلا وەرکەوتوو دلێڕاسەی موبارەک مکەرمێنە."
