دماو ١٢ساڵا ، وەزیرو جبەرو سعودیەی یاوا دیمەشق
وەزیرو جبەرو سعودیەی، فەیسەڵ بن فەرحان یاوا دیمەشق، ئانەیچ یوۋەمین سەرداین دماو ١٢ ساڵا جە بڕیەیرەو پەیوەنڎییەکا بەینو هەردوۋە ۋڵاتی.
بەپاو ڕۊنامەو (الوطن)ی نزیک جە حکومەتو دیمەشقی، ئارۊ وەزیرو جبەرو سعودیەی فەیسەڵ بن فەرحان یاوا دیمەشق.
ئینەیچ یوۋەمین سەرداو ڕەسمی ۋەرپەرسێوە باڵاو سعودیەین، دماو ١٢ ساڵا جە بڕیەیرەو پەیوەنڎیی بەینو دوۋە دەوڵەتەکەی بەمەڵامەتو قەیرانەو سوریای.
ئی سەردایە دماو چن ڕوۋێۋە جە سەرداو وەزیرو جبەرو حکومەتو دیمەشقی "فەیسەڵ میقداد"ی پۍ سعودیەی مۍ، ھاموەخت جە گلېرۊبیەی دۊڵەتا عەرەبی باس جە گېڵایۊ دیمەشقی کریا پۍ دلۍ کۊمکاری دۊڵەتا عەرەبی.
ھ.ش
