ئەسەنگول دەمیرە، هامقسەکەرەو کۊنگرەو دیموکراتوو گەلا (هەدەکە)، پەی پارتوو چەپی سەوزی کۊڵان بە کۊڵان و گەڕەک بە گەڕەک بەشداری جە هەرمانە و خەباتوو ورچنیەینە کەرۊ.

دەمیرە پەی ئاژانسوو هەواڵوو فوراتی (ANF) واتش، هەدەکە بە قوەتی فرەوە پەشتگیری جە پارتوو چەپی سەوزی کەرۊ و واتش،"جە ئەستەنبوڵ و گردوو هەرێمەکاو تورکیاینە، چا یاگانە کە ڕێکوستەیما بەقووەتا، هامڕێما وەڵۍ بیێنیوە. دلۍ کۊرڎیناسیۊنوو ورچنیەینە و  چالاکانەیچ مەیدانەکانە هەرمانە کەرا."

 ئەستەنبوڵنە لاو کەمیوە ٢٠ کورسیێ

دەمیر ویرش وستۊ، کە پارتوو چەپی سەوزی پەی دەنگدەرا نامیوە تازێنە، وەلێم وەراوەروو هەڕەشۍ وستەیرەی هەدەپەیۊ چالاکە کریا و واتش، " دەنگدەراو پارتی سیاسی، کە وەراوەروو ناحەقی و نادادپەروەری کۊشیا، چەنی ئانەی جە  ٢٠١٨ەوە هجوومۍ فرێش سەر بیێنۍ، بەڵام دەنگدەرش زیادتەر بییەن و پەوکای ئامانجش بەدەسئارڎەی ١٠٠ کورسییاو پەرلەمانین و ئانەیچ خەیاڵ نییا، ئامانجێوەن کە کریۊ بۍ دی. ئەستەنبوڵیچ بە بەشی کۊمەڵایەتیی وێشۊ پارتوو چەپی سەوزیش یاونان ئارۊ، وەروو ئانەی شارێوەن کە هەژاریی دلێشەنە فرەن، کریۊ چی شارەنە لاو کەمیوە ٢٠ کورسیی بەدەسۍ بەیا."

دەسەڵات نەتاوانش کاریگەری وەش کەرۊ

دەمیرە ئاماژەش بە هجوومەکا کەرد، کە چەنی نزیکبییەیۊ زیادتەرۍ بیێنۍ و واتش: " دەسەڵات حەوڵۍ مدۊ کە تەرسی و تۊقنای پێسە ٧و حوزەیرانی و ١و تشرینوو دووەمی خولقنۊ، وەلێم نەتاوانش ئی هەرمانۍ کەرۊ.

واتیچش، هجووموو سەروو ستاندوو ورچنیەی، باڵایانەو مەنتێقەکا، ئۊفیسوو ورچنیەیەکا بۍ. هجووم پەی سەروو ئیی پارتی و جەهەپەی بۍ. حەوڵێشا دۍ کە گلێرگەی وزا دلۍ تەرسۍ و تۊقنای، وەلێم نەتاواشا ئەنجام بەدەس بارا. ئێمە جمیەرێوە سیاسیی ئامادێنمۍ. جە ٧وو حوزەیرانی و ١١و ١وو تشرینوو دووەمینە کۊکوشیی فرە گەورە کریان. ئێمە پێسە گلێرگێوە کە ڕووبەڕووۍ ئا هجووما بیێنمێوە، وەروو گرد حەوڵی تەرسنۊکانەینە ئامادێنمۍ و هۊشیارێنمۍ."

س.ز