واچەکیٛ جە دویٛ بەشا پیٛک ئامێنە:

یوە: چەق... زوانی هەورامینە بەماناو لەڕ و لاوازی، زیاتەر پەی گیانەوەری دریٛژی پیٛسەو بنیاڎمی بەکار مێ وەختێ چەق و کەم گوٙشت بوٙ پەنەش وچیوٙ: چەق، وەلێم پەی ئاژەڵی نزمی وچیوٙ: لەڕ.

دویٛ: لوٙ... جوٙرێوەن جە گیواوە کەشییەکا و ئاڵفەجاڕەی تایبیٛ ویٛشەنە کویٛسانەکاوە وەهارەنە سەوز بوٙ و شیرە دارا و بوٙقیچش هەن، وچیوٙ: کابرا لوٙی بەردەن، دمای کەندەی و کوایش بوٙ بە ئاڵف پەی ئاژەڵی، وچیوٙ کابرا لوٙ کەنا... یەریٛ جوٙریٛش هەنیٛ:

ئ: سیاو لوٙ... لوتەو کەشەکاوە و کویٛسانە بەرزەکاوە مزیوٙ.
ب: زەردەلوٙ... تەمو کویٛسانەکاوە و وەرکەمەرەکاوە سەوز بوٙ.
ت: چەقە لوٙ... پاین و سەختەکاوە و پادەشتەکانە سەوز بوٙنە و دریٛژ و لوٙق ملوٙ عاسمانەرە و پیٛسەو سیاولوٙی و زەردەلوٙی مەڎوٙ پیٛوەرە.

ڕاسەش و پاکەش ئانیٛنە هەکە چەقە لوٙ یوٙن جە جوٙرەکا لوٙی و جەگردی زوتەر یاووٙنە و کەندەیش جە دوەکەی تەری گولتەرا و گیٛرە واردەیچش گوٙلتەر بوٙ.

س.ز