سەرسەعبو ئارۊی جە دێرسیم، ئیستەنبوڵ و هاتای ھورکویا سەرو چنڎین یانا. پۊلیسەکۍ ھوریچشا کوا سەرو نۋیسینگەو رۊنامەو یەنی دیموکراسی جە دێرسیم. جە ھورکوای سەرو نۋیسینگەکەینە ئەرشیف و رۊنامەکەی و کتێبەکۍ دلۍ نۋیسینگەکەی دەسشا سەرەرە گیریا. جە ئاکامو ھورکوای سەرو یانانە جە دێرسیم پەیامنێرۍ رۊنامەو یەنی دیموکراسی ئەرتان چتا و هدر گولەری گیریۍ.

بە پاو هەواڵو رۊنامەو یەنی دیموکراسی جە یەرۍ شارېنە جە دژوو خەباتکارا پارتیزانی ئۊپەراسیۊن ئەنجامدریان و جە ھورکوای سەرو یانانە لانیکەم ٩ کەسۍ گیریېنۍ.

ئەرەیاۋیا جە بارەو ژمارېوە فرەیۊ قەرارو گېرتەی بەرشیەن. ئانەیچ وزیان ڕوۋە کە ئا کەسۍ جە دێرسیمنە گیریېنۍ فاڕیاوە پۍ ئیستەنبوڵی.

نامۍ بەشێوە جە گیریایەکا پی جۊرەنە:" یەرهان چتا، عەلی ئاسکەر ئاککۊچ، نیهاد کۊناک، ئایسەل کایا و نەسیمی ئاتاش".

هـ . ش