کەجەدەکە-ئە سەبارەت بە هجوومەکەو سەروو ئامەد سپۊری بورسانە، ئەرەیاوناێش وڵا کەرڎۊ و باسش چانەیە کەرد، کە دەسەڵاتوو ئاکەپە-مەهەپەی و وەزیروو دلۍ "سولەیمان سۊیلو" وەرپەرسێنۍ چا هجوومی.
کەجەدەکە-ئە هجوومەکەوو سەروو یانەو ئامەد سپۊری جە بورسانە، میانوو گەمەو بەینوو ئا یانەینە و یانەو بورسا سپۊرینە شەرمەزار کەرد.
جە ئەرەیاوناکەینا ئامان، کە حوکمەتوو ئاکەپە-مەهەپەی، گەرەکشا ئا ناڕەزایەتییا بۊنەو کارەساتوو بوومەلەرزەکەیۊ جە بواروو وەرزشینە کەوتێنێوە، ڕووەو لایۍ تەر و ئاڕاستێوە تەر ئاڕاستەشا کەرۊ، پەوکای جە گەمەو بەینوو "بورسا سپۊر- ئامەد سپۊر"ینە دەسش بە هەوڵۍ پەلاماردای و کوشتەی کەرڎۍ و پاسە خەیاڵشا تۊڵە جە ناڕەزایەتی بەروستەیەکا کەرۊوە.
درێژەو ئەرەیاوناکەینە ئامان، کە " تورکیا قینێوە سیستماتیکە و نەفاڕیێش دژوو کوردا، گردوو کایەکاو ژیواینە درێژە مڎۊ پەنە و وێش نیشانە مڎۊ. مامەڵەی نەژاڎپەرستانەو یانەو "بورساسپۊر"ی وەراوەروو "ئامەد سپۊر"ی نەک حەر وەراوەروو یانێوە تۊپتۊپانێن، بەڵکوم دژوو شاروو ئامەدی و تەماموو گەلوو کورڎین.
"ئامەد سپۊر" وەڵۍ گەمەکەیچنە هۊشداریی گەرەشێونایۍ چانەیش دابۍ و ئاماژەش پا تەرسۍ کەرڎێبۍ. پۊلیس کە وێشا وەرپەرسێنۍ جە پارێزنای یاریزانا و هاندەراشا، وێچشا دەسشا بۍ جە کەرڎەیئامانجوو ئەزیەتدای یاریزانا و هاندەرایچنە.
دەسەڵاتداری فاشیستوو ئاکەپە-مەهەپەی، کە چێروور ئیمتحانوو دەمۊلوای بوومەلەرزەکەینە بەرنەشیۍ، جگە جە دروا حیچی تەر مەکەرا، چێشکەرا با کەرا، باجوو گرد ستەمێچشا مڎا و دلێچنە مشا.
"ئامەد سپۊر بەتەنیا نییا و مەبۊ بەتەنیا جیا بازیۊ".
س.ز
