دەسەی سنوقەکا دەنگدای جە جۊلەمێرگ جەلایەنو ئاکەپەیۊ دیاریکریا!
سەرۊکو ئاکەپەی جە جۊلەمێرگ دەسش سەرو لیستو نامۍ ئەنڎاما دەسەی سنوقی دەنگدای کۊمسیۊنو ھورچنیەی شارەکەیرە گېرت و ئا لیستەی ۋېشا ئاماڎەشا کەرڎەن، دانشا بە کۊمسیۊنو ھورچنیەو شارەکەی.
ئاکەپە گرڎو توانا و قوەتو دۊڵەتی جە سەرنیشتوو کورڎسانی حەر جە فشاری و، زۆرداری، هەڕەشەکەرڎەی و ھورخەڵەتنای پۍ ھەرمانو کارەکا ھورچنیەی ۋېش بەکارمارۊ.
جە جۊلەمێرگ نزیک بە ٢٠٠ هەزار دەنگدەرۍ هەنۍ. ٥٩٠ سنوقۍ دەنگدای پۍ دەنگدەرا منریارە. کارمەنڎ و ئەرکدارا سەرو سنوقەکا دەنگدای جە لایەنو کۊمسیۊنو ھورچنیەو شارەکەیۊ دیاری کریا و منریارە.
لیستو کارمەنڎ و ئەرکدارا سەرو سنوقەکا پۍ ھورچنیەکا ١٤و ئایاری جە لایەنو ئەمروڵا گوری سەرۊکو ئاکەپەی جە جۊلەمێرگ دەسش سەرەرە گیریا. گوری ئاکەپەیی ۋېش ئەرکدارا سەرو سنوقەکاش دیاری کەرڎۍ و لیستو دەسەی ئەرکدارا سەرو سنوقەکا ۋېش سەرو کۊمسیۊنو ھورچنیەو شارەکەیرە سەپنا.
ھ . ش
