ئاژانسو هاوارنیوزی ۋەڵاشکەرڎۊ، سوپاو ئەرەگیری ترکی چەتەکۍ سوریایش بە جەم جە عەفرین و عەزاز و چن مەنتیقېوە تەرۊ فاڕېنۍ پۍ تورکیای بەمەبەسو دەنگدای بە ئەردۊغانی.

ئاژانسەکە ئاماژەش پانەی کەرڎەن، ئا چەتۍ بە جەم و بە ترۊمبېلەکا ئاکەپەی بریېنۍ پۍ دەنگدای.

ئاماژەش پانەیچ کەرڎەن، ئا چەتۍ ۋەڵتەر ئشناسنامەشا پۍ وەشکریان و مافو دەنگدایشا جە ھورچنیەکانە پنەدریان و جە ١٢و ئایارو ٢٠٢٣ ېنە فاڕیېنۍ پۍ تورکیای.

حەرپاسە چەتەکۍ جە مەرزو حەمامی جە مەنتیقەو جندرێسی جە عەفرین و مەرزو باب سەلامی و مەرزو حیواری کیلسی جە عەزازیۊ پڕېنۍ پۍ تورکیای بەمەبەسو دەنگدای بە ئەردۊغانی.

بەپاو زانیاری و سەرچەمەکا، نامۍ ئا گروپا کە فاڕیېنۍ پۍ تورکیای پی جۊرەنە:

فەهیم عیسا: گروپو سوڵتان موراڎی

مەعتەز رەسلان: جەیشو نوخبەی

ئەبو عەلی سجوو: جەبهەو شامیی

ئەبو حاتم ئەلشقرا: ئەحرار شەرقیە

مستەفا سیجری: فیرقەو معتسەمی

سەیف ئەبوبەکر: فیرقەو حەمزەی

یاسر عەبدولرەحیم: فەیلەقی مەجد

محەمەد جاسم ئەبو عەمشە: لیواو سلێمان شای

ئەحمەد حەمادی: وەرپەرسو وەزارەتو وەرگیری

ھ . ش