وێرەگاو ئارۊی، جە ۋەران ۋەروو واردنگەو داباشانینە جە شاروو سلێمانی ، تەقە جە هاموڵاتیێوە خەڵکوو سەرنیشتوو کوردسانی کریا و گەشمەرڎە کریا. دماو ڕووەداکەی، هێزە ئەمنییەکۍ یاوێنۍ شۊنماو ڕووەداکەی و دەسشا بە ئەوەکۊڵیای کەردەن، دماتەر ئاشکرا بی ئا کەسە نامێش ' سەبری توبراق'ا خەڵکوو بەدلیسوو سەرنیشتوو کوردسانیا ساحیب و دووۍ زاوڵان و ساڵانێوەن بە مەڵامەتوو ئاژەی سیاسییوە ڕووەش جە پانیشتوو کوردسانی کەردەن جە خەسەخانێوەنە سلێمانینە هەرمانەش کەردێنە، یاگۍ ئاماژەینە نامبریا چنڎین جارێن هەڕەشۍ تیرۆر کەردەیش ۋنەکریان.

جە ئیسەیچەنە، جەنازەو گەشمەرڎەی ڕووانەو پزیشکوو دادی کریان. حەرپاسە سەبارەڎ بە ڕووەداکەی تا ئیسە کەس نە گیریان.