"کاژین بروسک"ە گەریلۍ یەژەئاستاری پەی ئاژانسوو هەواڵوو فوراتی (ANF) باسش جە هجووموو دەوڵەتوو تورکی پەی سەروو هەرێمەکاو ئاڤاشین، مەتینا و زاپ و مدرامانوو گەریلاکاو ئازاڎی کەرد.

"کاژین بروسک"ە ئەرەیاونایچش، کە دوژمن پەی ئانەی گەریلای و گەلوو کورڎی دلێنە بەرۊ گردوو دەرفەتەکاش بەکار مارۊ و واتش، " بەتایبەتی ئێساڵ جە هەرێمەکاو پارێزنای میدیاینە، ساڵانی ویەرڎە عەفرین و سەرێکانینە دوژمن چەکی کیمیاویش بەکار ئارد. جەنگنە بەکارئارڎەی ماددە کیمیاوییەکا قەدەغەن. وەراوەروو تیمێوە گەریلاینە بە سەدان تەقەمەنی، چەکی کیمیاوی و قەدەغەکریا بەکار ماریۊ. وەلێم کۊشیای و فیڎاکاریی گەریلای هجوومەکاو دوژمنی ماڕۊ.

ئەمریکا و دەوڵەتاو ئەورووپای، هێزە میاندەوڵەتییەکۍ وەراوەروو هجوومەکاو دەوڵەتوو تورکیوە بە چەکی کیمیاوی بێدەنگێنۍ. هەڵەبجەنە چەکی کیمیاوی بەکار ئاریا و ٥ هەزار کورڎۍ گەشمەرڎۍ کریۍ. کاریگەریی چەکی کیمیاوی دەوڵەتوو تورکی سەروو جەسەو ئینسانەکا و سروشتیچ  مەزانیۊ. دوژمن کە مەتاوۊ مدرامانوو گەریلای ماڕۊ، واقش وڕ مەنەن و مەزانۊ چێش کەرۊ. زاناشا کە ئیتر دماییشا پەنە ئامان. دەوڵەتوو تورکی وەروو ئانەی کە مەڕیان وەراوەروو گەریلاینە، چەکی کیماوی بەکار مارۊ. بەڵام پێویسا بزانیۊ کە مەتاوۊ گەریلای و پەکەکەی دلینە بەرۊ، گرد وەختۍ ئینایمۍ چا کەشانە."

دەوڵەتوو تورکی جە ئیراڎەو گەلوو کورڎی تەرسۊ

گەریلا "کاژین"ە ئاماژەش بە جەنگوو هەرێمەکاو پارێزنای میدیای کەرد و واتش، " جە هەرێمەکاو زاپی، ئاڤاشینی و هەرێمەکاو پارێزنای میدیاینە جەنگێوە قورس هەن. دوژمن  لاێوە بە چەکی کیمیاوی هجووم کەرۊ و لایۍ تەریچۊ پەلامارەو خەڵکی. کە سەرنیشتوو کورڎسانینە بە هەزاران کەسۍ لە وەراوەروو بەکارئارڎەی چەکی کیمیاوینە لاو دەوڵەتوو تورکیوە لوۍ سەروو جاڎەکا. دەوڵەتوو تورکی کە جە ئیراڎە و هێزوو کورڎی تەرسۍ، گەرەکشا خەڵکی چەوسنۊوە. گەل و گەریلایچ دژوو هجوومەکا پێویسا پێوە کۊشیا. پێسە گەریلێوە یەژەئاستاری، چێوە سڵام جە گەلە قارەمانەکەیما کەرمۍ. پێویسا کە گومانش نەبۊ، ئێمە گرد وەختۍ خاکی و گەلەکەیما پارێزنمۍ."

س.ز