پارتوو چەپی سەوزی جە شاروو دۊیسبورگوو ئەڵمانیاینە نویسگەو بانگەشەو ورچنیەیش کەرڎۊ. بە سەڎان کەسۍ بەشڎارییشا جە کەرڎەیۊ نویسگەکەینە کەرد. قسەکەروو هەدەپەی جە ئەڵمانیانە "لەیلا ئیمرەت"ە، پەرلەمانتارەو هەدەپەی جە خولوو ٢٥ و ٢ی و ئەحمەد یڵدرم، ئەنداموو ئاگیف ئۊنور گولەری و ئەنداموو ئاتیف سولەیمان گورجانی جە مەراسیمەکەنە قسێشا کەرڎۍ.

جە قسەکاشانە واتشا، ورچنیایەکا ١٤و ئایاری و هەرمانەکاو ورچنیای جە ئەورووپانە گرنگێنۍ. دماو وتارەکا بە گێڵنای زەماونڎۍ و وەشی و واتەیۊ دروشما، نویسگەو بانگەشەو ورچنیەی کریاوە.

مەراسیمەکەنە بانگەواز پەی بەشڎاریکەرڎەی جە ڕاپیمای ١٥وو نیسانوو دۊسێلدۊرفینە ئەرەیاونیا، کە پەی ئازاڎیی جەسەیی ڕابەروو گەلوو کوردی کریۊ.

س.ز