فیدراسیۊن و گلېرگەی دیموکراتیکی کورڎسانی جە سەرنیشتوو ئەڵمانیای (فەد - دەم) داواش جە گەلوو کورڎی و دۊسا گەلوو کورڎی کەرڎ، جە دژوو گۊشەگیری سەرو ڕابەرو گەلوو کورڎی عەبدوڵا ئۊجالانی بەشڎاری جە ڕاپیماکەو شارو دوسلدۊرف-ینە بکەرا.
فیدراسیۊن و گلېرگەی دیموکراتیکی کورڎسانی جە سەرنیشتوو ئەڵمانیای (فەد - دەم) پۍ ماڕاو گۊشەگیریی سەرو ڕابەرو گەلوو کورڎی عەبدوڵا ئۊجالانی داواو ڕاپیمایش جە ١٥و نیسانینە جە دوسلدۊرف کەرڎ.
جە ئەرەیاۋناکەو فەد – دەم ینە ئامان:
"جە دژوو گۊشەگیریی سەرو ڕابەر ئاپۊی و پۍ ئازاڎیی جەستەیی ڕابەر ئاپۊی ڕۊحو سەفەربەری پێویسا و ئێمەی کورڎ دۊسە شۊڕشگێڵەکاما خوڵقە کەرمۍ پۍ بەشڎاریکەرڎەی جە ڕاپیماو ١٥و نیسانی جە دوسلدۊرف، چونکی ماوەو ٢٤ ساڵان دۊڵەتو ترکی گۊشەگیریێۋە گۊرە و قورس جە دژوو ڕابەر ئاپۊی ئەنجام مڎۊنە و جە کەسایەتی ڕابەر ئاپۊینە ھجومی ۋەحشیانە مکەرۊ سەرو گەلەکەیما.
ئێمە ئەرەیاۋنمېش، جە گرڎو مەنتیقەکانە ھەرمانە پۍ بەشڎاریکەرڎەی جە ڕاپیماکەینە کریان و ئاماڎەکارییەکۍ پۍ چالاکییەکەو دوسلدۊرفی تەمامۍ بیێنۍ. هیوا و داواو ئێمە ئانەن، کە ئێمە جە سەڎ ساڵەو ڕێککەوتننامەو لۊزانیەنە بە یۊدەنگی و ئازاڎیی جەستەیی ڕابەر ئاپۊی بەدەس بارمۍ.
ۋەختو ئازاڎیی ڕابەر ئاپۊی و سەرکۊتەو کورڎسانی ئامان. ئێمە بە ڕۊحۍ سەفەربەرییۊ بەشڎاری جە ڕاپیماکەو دوسلدۊرف-ینە مکەرمۍ و دۊڵەتو ترکی ئەرەگیری دلېنەبەرمۍ".
ھ.ش
