فیدراسیۊنو دیموکراتیکی عەلەوییەکا ئۊروپای (فەدا) ئەرەیاۋنېوەش جەبارەو ھۆرچنیەکا ١٤و ئایاری ۋەڵاکەرڎۊ.

جە ئەرەیاۋناکەنە ئامان: "دیکتاتۊری تاکە کەس پەشتیش بە گرڎ جۊرە ئامرازەکا سەرکوتکەرڎەی و زۊرداریی دۊڵەتی بەستەن، بەڵام چنی ئانەیچ گەلەکەما بە ڕێژەو زیاڎ جە سەڎەنە ٥٠ ی دژوو ئەردۊغانی مرڎاوە. پێۋیسا ئێمە ۋېما پەشتیوانۍ بیمۍ پۍ ھۆرچنیەی سەرۊکایەتیی کۊماری، کە ٢٨ و ئایاری واوەی بۊوە و پا دروشمۍ سەرگنمۍ."

'ئەگەر هێزو ڕێکوستەی بەکاربېنە، ئێمە سەرگنمۍ'

جە ئەرەیاۋناکەنە ئامان، "زیاڎ جە هەشت ملۋېن کەسا جە ھۆرچنیەکا ١٤ و ئایارینە دەنگشا نەڎان، زیاڎ جە ١ ملۋېن دەنگۍ پوچکریېنۍ، ملۋېنان دەنگۍ دزیېنۍ، پۊکەی مشۊ ئا نیگەرانییە ۋیەرنمۍ، کە بە مەڵامەتو ھۆرچنیەکا ١٤ و ئایاریۊ وەشبیەن.

ئێمە دەسەوسانۍ نیەنمۍ. ئێمە چا لایەنۊ وەرەنگارۍ و مدرامانۍ تاریخینمۍ، کە مزانمۍ چنی ۋېما سەرجە نۊ پېکبارمۍ. ئێمەی کورڎ و عەلەوی، کە نوێنەرۍ ئا خەتەینمۍ، ئەگەر هێزو ڕێکوستەو ۋېما وزمېنە ھەرمانە سەرکۊتۍ بیمۍ. بەبۍ ئانەی ورە و موراڵو ۋېما وڕنمۍ، مشۊ چا شۊنېوە، کە مەنەن دەسپنەکەرمېوە"

فەدا داواشکەرڎ، جە ھۆرچنیەی ٢٨و ئایارینە دەنگ بە کەمال کلیچدار ئۊغڵوی بڎریۊ.

ھ . ش