فەرماندەیی مەیڎانوو بۊتانی بارەو چەتین گونگۊریوە ئەرەیاونیاێوەش وەڵا کردۊ
فەرماندەیی مەیڎانوو بۊتانی واتش، چەتین گونگۊر کە جە ساڵەو ٢٠١٩ بە گومانێوە گیریابۍ، لاو گەریلاکاوە تووشوو مرڎای دڵی بییەن و مەرڎەن.
فەرماندەیی مەیڎانوو بۊتانی جە ئەرەیاوناێوەنە باسش چی بابەتا کەرڎەن:
" ٩وو تشرینوو یووەموو ٢٠١٩ چەتین گونگۊر، کە جە هەرێموو جودیی بۊتان-ینە کانەخڵووزێوەنە هەرمانە کەرۍ، وەروو ئانەی قسێش چەنی کریا هێزەکاما گێرت. هاموەڵاتیما چەتین گونگۊر، کە خەڵکوو دەوروو دێرگولاو شڕنەخین، وەختۍ لاو هێزەکاماوە بۍ تووشوو دڵمرڎای بی و مەرد. سەرەوەشی جە بنەیانەو گونگۊری و تەماموو کەسوکاریش کەرمۍ و پا ڕووەدایە فرە دڵتەنگێنمۍ. ئا ڕووەدایە بۊنەو هەلومەرجوو جەنگی دژواریوە دماو وەنەکۊڵیاێوە وردی ڕۊشن بیەنۊ".
س.ز
