شۊڕشگێڵۍ و جەنگاوەرۍ ئاپۊیی بەبۍ نەسرەوتەی ۋەردەوامېنۍ جە ڕاپیماو ئازاڎیی پۍ ژیایۍ ئازاڎیی. بێگومان قوربانیدای و نرخو ئازاڎیچ فرە قورسا. "نیهاد ئەسەد" یۊ جە بەشڎارا ڕاپیمای ئازاڎین، ساڵەو ۱۹۹۱ ی جە شارو عامودۍ جە ۋەرنیشتوو کورڎسانی جە ئەڎۍ بیەن. ئاڎ جە خێزانێۋە وڵاڎپارێزەنە گەورە بی، ساڵەو ۲۰۱۳ی ڕوۋەش کەرڎە کەشەکاو کورڎسانی. یۊ جە مەڵامەتەکا بەشڎاریکەرڎەو "نیهاد ئەسەد"ی پۍ دلۍ ڕیزەکاو جمیەرو ئازاڎیی، ئاخېزو ۋەرنیشتی بۍ، مەڵامەتۍ تەریچ بەشڎاریکەرڎەو واڵەکېش بۍ دلۍ ڕیزەکا گەریلاینە.

"نیهاد ئەسەد" دماو ئانەی بەشڎارو ڕیزەکا گەریلای بی پۍ تۊڵەئەسایۊ ھامڕا گەشمەرڎەکاش نامۍ ۋێش نیا "سەرحەد تۊڵهەڵدان". ۋەختۍ یاۋا بە ڕیزەکا گەریلای ژیایۍ تازەش دەسپنەکەرڎ. جە گارەنە دەورەو پەروەردەیش ۋینا. جە گارە بە مەڵامەتو ھەرمانۍ و فیداکاری و سادەیشۊ دلۍ ھامڕاکاشەنە بی بە کەسێۋە ۋەشەۋیس. پۍ ئانەی تاۋۊ زیاتەر بە بەقوەتی کۊشیۊنە و جوابو پرۊسەکەی بڎۊۋە بەشڎارییش جە پەروەردەی ئەکادیمیانە کەرڎ. ۋەرو ئانەی بتاۋۊ بە عالی جە ۋیر و فەلسەفەو ڕابەرو گەلوو کورڎی "عەبدوڵا ئۆجالان''ی بیاۋۊنە، لوۋا پۍ مەیڎانو پەروەردەی و سەرو ئا بنەمۍ ۋێش وەڵېۋست.

جە دماو پەروەردەی ئیجارە ڕوۋەش کەرڎە ھەرێمو ئاڤاشینی. ئاڤاشین، کە بە مدرامانو گەریلای ئشناسیان، پۍ تۊڵەئەسایۊ بی بە مەیڎانۍ تازەو ئەرەکۊشای. جە ئاڤاشینەنە ئەرکۍ قورس پۊڕنۍ و بی بە فەرمانڎێۋە ئازا. ئاڎ بە ئیراڎە و ئازایی و وشیاریۊ جە گرڎ بوارەکا ژیاینە کۊشیا.

جە کەشە ئازاڎەکانە ۋیرکەرڎەیۊ جە ھامڕاکات بەنرختەرین چێۋا پۍ گرڎ گەریلېۋە. فەرمانڎە سەرحەدیچ بە ئاماڎەکەرڎەو چێرخانێۋە جە زاگرۊسەکانە میراتێۋەش پۍ گەریلای جە کەمپەکا مدرامانینە جیا ئاست. سەرحەد تۊڵهەڵدان فەرمانڎەی ئازا ژیای ۋێش پەڕکەرڎەبۍ جە ۋەشەۋیسی پۍ ۋڵاتی و فیداکاری و پا گیری و سووربیەی و غیرەت و قارەمانی. ئیسە پېسە تەۋەنەکا ئاڤاشینی بیەن بە شکۊمەنڎیۍ ئەبەدی. جە حەفتەی قارەمانینە جە ٢٦و ئادارو ۲۰۲۱ ی چنی ھامڕێۋەش بە نامۍ "عەگید گابار"ی لوۋۍ دلۍ قافڵەو گەشمەرڎاۋە.

ھ.ش