سەرۆککۆمارو فەرەنسای ئیمانوێل ماکرۆن وەڵێ ئا کۆنفرانسەی کە قەرارا جە نیویۆرکەنە چنی سعودیەی بلۆڕاوە، ئەرەیاوناش، فەرەنسا جە مانگەو حوزەیرانو ویەردەینە دان بە دۆڵەتو فەڵەستینینە منیۆ. ماکرۆن ئاماژەش پانەیەدا کە ئی هەنگامێ بۆنە مایەو دان پۆرە نییاو ئیسرائیلی جەلایەنو بڕێ دەوڵەتێوە.

سەرۆککۆمارو فەرەنسای ئیمانوێل ماکرۆن، ڕۆو یەرەشەمەێ کاتێ جە میسڕەنە گێڵاوە، جە چەمپنکەوتێوەنە چنی کەناڵو (France 5)، ئەرەیاوناش جە مانگەکا ئایندەینە هەنگامە منییەیمێ پەی دانپۆرە نییای بە دۆڵەتو فەڵەستینینە. ماکرۆن واتش، گەرەکشانە چا کۆنفرانسەنە کە مانگەو حوزەیرانی چنی سعودیەی ئەنجام دریۆنە، پرۆسێوە دەس پنە بکەرا کە هەردوولای یەکتری قبووڵ بکەرا. جە کۆنفرانسەکەنە هەڵوەسە کریۆنە سەرو چارەسەرو دووێ دۆڵەتو.

ماکرۆن جەختش کەردۆ، ئی دانپۆرەنییارە بۆنە بە بەشێ جە 'دینامیکو بەکۆمەڵ و دادپەروەرانە" ی کە نەوەک حەر پەشتیوانییا پەی فەڵەستینی، هامکات ڕا پەی دانپۆرە نییارە و ئیسرائیلی وەش مکەرۆ.

ماکرۆن ئەرەیاوناش ئی هەنگامێ هەڵوێسێوە ڕۆشنا وەراوەرو ئا کەسا نکۆڵی جە بییەو ئیسرائیلی مکەرا، هامشێوەو ئێرانی.

بەڵام ئیسرائیل ناڕەزایەتیش وەرانوەرو ئی ئەگەرەیە نیشانەدا. وەزیرو چبەرو ئیسرائیلی، گیدۆن سار ئەرەیاوناش دانپۆرە نییای بە فەڵەستینی جەلایەنو فەرەنسایۆ "خەڵاتێوەن پەی تیرۆر" ی و "پەشتگیریا جە حەماسی".

سار جەختش کەردۆ، هەنگامێوە چا جۆرە، ئاشتی و ئاسایش و ئارامی چنی وێش نمارۆنە.