یۊ جە فێڵ و ساختەکارییەکا سیستمو ئامارو دەسەی ھۊرچنیەکا وەختۍ ئاشکرابی کە تۊمارو وەرەقە و پسوڵەی مۊرکریا و سنووقو ژمارە ١٢٣٤ جە ۋەننەگەی سەرەتایی ئەسما ئۊجاکی جە مەنتیقەو بسملی ئامەڎی، مقارنە کریۍ.

چا سنووقەنە ٢٣٣ دەنگۍ بە پارتو چەپی سەوزی دریېنۍ، بەڵام جە سیستمو ئامارو دەسەی باڵاو ھۆرچنیەینە ئا دەنگۍ پۍ پارتو نەژاڎپەرستو مەهەپەی نۋیسیېنۍ. مەهەپە چا سنوقەنە تەنیا دەنگېچش پنەنەڎریان.

هامسەرۊکەو پارتو دیموکراتیکی گەلان (هەدەپە)ی جە ئامەڎ "گوڵستان ئاتاسۊی"ە چا بارۊ ۋاتش، "پی جۊرە ژمارېوە فرە سنووقۍ هەنۍ کە دەنگ پۍ مەهەپەی نۋیسیان. تۊماری خام و گرڎو پسوڵە تۊمارکریاکا جە سیستمو ئامارو دەسەی ھورچنیەینە مقارنە کریا و ئارۊ شەکوا تۊمار کەرمۍ.

هـ . ش