دماو سەردان کەردەی شاندو ئیمرالی دەم پارتی پەی لاو هامسەرۆکو وەڵینو هەدەپەی، جە کۆنگرێوە ڕۆنامەنویسینە ئاماژە بە قسەکا فیگەن یوکسەکداغە کریا کە واتەنش: ئینایمێ چنی پرۆسەکەی و هەرچی گنۆ سەرو شاناما ئامادێنمێ بە وەشخاڵیۆ جابەجێش مکەرمێ.

ئارۆ، شاندو ئیمرالی دەم پارتی کە جە سری سورەیا ئۆندەرەو، پەروین بولدانو و ئەحمەد تورک پێکئامێنێ، سەردای گێرتەخانەو کۆجاعەلیشا کەرد و دیداراشا چنی فیگەن یوکسەکداغێ ، هامسەرۆکەی وەڵینەو هەدەپەکەوت، شاندەکە هەرپاسە چەمشا بە سەمرا گوزەلە پەرلەمانتارەو وەڵینەو هەدەپەی کەوت.

شاندەکە دماو جەمپنەکەوتەکەیشا ڕۆنامەنویسیشا ئەنجام دا.سری سورەیا ئۆندەرە جە کۆنگرە ڕۆنامە نویسیەکەنە واتش: دیدارما چنی سەرۆک فیدانێ ئەنجام دا، تەندروسی و دۆخش خاسا، چەما بە نوێنەرەکێما سەمرا کەوتە، سڵامشا پەی گرڏ کەسێ بێ، سەبارەت بە پرۆسەکە سەعبێ فیگەن یوکسەکداغە جە هەژمارو تۆڕە کۆمەڵایەتییەکا وێشەنە قسێ مکەرۆ، بەڵام داواش کەرد پنەتا واچو؛ ‘ئێمە چنی پرۆسەکەینمێ و هەرچی گنۆ سەرو شاناما، ئامادێنمی بە خۆشحاڵییۆ جابەجێش بکەرمێ”، من وەڵێ پەنج ساڵانە ئازادە کریانی، دیسان چێنە قسێما کەردە، جە ماوەو ١٠ ساڵانە ئی وڵاتە فرەو چێوی قورسش جەدەسدا، دووێ چێوێ هەنێ کە گێڵایشاوە نییا، یوەمشا ئا کەسێ گیانشا جەدەسدان و دووەمشا کاتا، گرڏو گەشمەرڏا و قوربانییەکا ئی وڵاتەیە ڕێزو ئی وڵاتینێ، گۆرەتەرین دیاری کە متاومێنە پێشکەشا بکەرمێنە، دمای ئاردەی بە شەڕجەنگی و تاجو ئاشتیی نیاسەرا، ئێمە جددی و دڵسۆزینمێ.

سری سورەیا ئۆندەرە ئاماژەش پانەی دا، زاڕۆڵێ ئی وڵاتەی، شایەنو ئانەی نیەنێ میراتو جەنگی هۆرگێرانە، وەرپرسیارەتی ئێمە ئانەن کە وڵاتێوە ئاشتییواز ڕادەسشا کەرمێنە، گفتوگۆی نادرووس کریۆنە، ئی زوانە ئنەو چەکی زەرەر میاونۆنە، گوایا وڵات دابەش بۆنە، دووێ زوانێ، دووێ ئاڵێ و ئیتر. جە ڕۆژەڤو ئێمەنە چێوی چانە نییا، باسما نەکەردەن و چێوی چانەیش نەوچیان، چيوی چانە نییا، ئێمە ئامادێنمێ چنی گرڏو ئانیشا گومان جە پرۆسەکەی مکەرا نیشمێرە، تەنیا داواکاریم ئانەن کە واز جە زوانی ژەهراویی بارانە.

واتیشش: ئێمە پرۆسەکەی بە ڕۆشنی بەرمێ ڕاوە، بەڵام دووێ خاڵێ گرنگێ هەنێ، یوەم جددی بییەی و دووەم دڵسۆزییا، مافو ئێمەن چەمەڕاو چێوی چانەی بیمێ، ئی دەردێ، دەردەو گریمانە، چەمەڕێنمێ گرڏ کەسێ بە ئەرێنی ئیسفادە کەرۆ، ئێمە زوانو وێما مەفاڕمێ، جە دژو ئی زوانە هرووژم بەرەیە فرەترین چێو کە متاومێ واچمێش ئینەن، گەل قەرارو دڵسۆز مرۆنە، ئینە هەفتێوەن ئێمە ئینایمێ ڕانە، انە ئانێ داواو ئاشتی مکەرا، ئانێ باوەشیما پەی  مکەراوە، ئاڏي ماچا خێرا بیدی و جار بە جار ئاگادارمان مکەراوە، چی بارەنە ویژدانو گەلی ڕای ڕاسە نیشانە مرۆ، ئینە وەرپرسیارەتی گردیمانە.

سری سورەیا ئۆندەرە، سەبارەت بە پرسیارەو پەیوەندیداری بە چەمپنەکەوتەی چنی پارتە کوردەسانییەکا واتش: بەڵێ بەردەوام بۆنە، دەم پارتی پلانەش پەی منیۆرە.