فیستیڤاڵی پایزە سلێمانینە کریاوە
ئارۆ شاروو سلێمانینە و جە مەعمەلوو جگەرەکەینە جە لایەنوو ڕێکوزیاو ئانیایوە، فیستیڤاڵی پایزە کریاوە، مەبەسوو فیستیڤاڵەکەی ''ئشناسای و بە بازاڕکەرڎەی و برەوداین بە بەرهەمە ۋېمانەکا و هەرمانە دەسیەکا".
جەبارەو فیستیڤاڵەکەیۆ چرۆ تاهیر سەرپەرشتیارەو فیستیڤاڵەکەی پۍ ئاژانسووANF ی قسېش کەرڎۍ و واتش :" ئامانج جە کەرڎەیۊ ئی چالاکییە پۍ ڕەخسنای و ئاشاناکەرڎەی خەڵکییا بە وارڎەی و بەرهەمە ۋېمانەکا، وە تەئکیدیچش چانەی کەرڎۆ ، کە واردەکېما بە پێچەوانەو بەرهەمە هاوردەکریاکاوە ئینۍ چېروو چەمڎاری ۋېمانە".
بە مەبەسوو ئشناسنای و برەودای بە بەرهەمە ۋېمانەکا، ڤستیڤاڵی پایزە بەسەرپەرشتی ڕێکوزیاو ئانیای پۍ پەرەپنەدای و گەشەپنەدای تواناو تاکی، بە بەشڎاری پارێزگاروو سلێمانی و ژمارېوە فرەو هاموڵاتیا، ئارۆ ڤیستیڤاڵەکە کریاوە، ئی فیستیڤاڵە بە کەرڎەیۆ ٥٧ دوکانا پۍ نمایشکەرڎەو بەرهەمەکاشا، پۍ ماوەو حۆت ڕووا بەردەوامیش بۆ. ئامانجوو ئی فیستیڤاڵەیە پۍ ڕەخسناو هەرمانۍ و بەروستەی تواناو ئا کەسانە کە گەرەکشانە بە بەرهەمە ۋېمانەکا سەلەمناش کە بەرهەمی ۋېمانەی جە گرڎ ڕووېوە جە بەرهەمە هاوردەییەکاو وڵاتا عالتەرا.
