دەسوەڵیوزو 'ئون سالتۊ دی ڤیدا'ی (هەنگامێوە پەی ژیوای) شارو ئێل سالتۊو ئەیالەتو جالیسکۊو مەکسیکینە چالاکیێوەشا بە مەبەسوو ئشناسنای پاڕادایمو کۊنفیدڕاڵیزمی دیموکراتیکی ساز کەرد.

چالاکییەکە کەنارەکاو بەحروو سانتیاگۊینە لوا ڕاوە و بەشداربیۍ واتشا، کە پەشتیوانیی کەمپینوو 'ئازادیی پەی عەبدوڵا ئۊجالانی و چارەسەری سیاسی پەی پرسەو کوردی کەرا'.

ئاخروو چالاکیەکەینە گەورۍ و هەم زارۊڵۍ بەشداربیۍ پەیامی ڤیدیۊییشا وەڵا کەرڎۊ و داواو ئازادیی عەبدوڵا ئۊجالانیشا کەرڎە.

پەیامەکەو ئون سالتۊ دی ڤیدایۍ پێسنەن:

"شارەکاو ئێل سالتۊی و ژوانکاتالانی جالیسکۊینە وەرنیشتوو مەکسیکیوە، سڵامما خۊمان ئاراسەو گەلو کوردی و تەمامو وەرکەوتی دوورینی کەرمۍ. هاگادارۍ کۊشیای وێڕاوەبەریی گەلوو کوردینمۍ و پەشتیوانیی وێما پەی ماڕای گۊشەگیری سەروو عەبدوڵڵا ئۊجالانی بەروزمۍ. داوا کەرمۍ ئازاد کریۊ، جەنگ و فشار سەروو گەلوو کوردیوە دماییش بۍ، نمەتاویۊ ئەندێشە و ئەرەمەنەی کریۊ زیندان".

جە سەرمەشقەکاو گەلی وێمانەو زۊکۊ ئەکادیمسیان فۊرتینۊ دۊمینگۊ ڕوەیدای بەشداری چالاکیی وانایوە کتێبیشا کەرڎە و پەشتیوانیی هەڵمەتەو ئازادیی عەبدوڵا ئۊجالانیشا کەرڎە. دۊمینگۊ ڕووەیدا سەرنجەش پەی سەروو کۊشیای وێڕاوەبەریی گەلو کوردی کێشتە و داواو ئازادکەرڎەی عەبدوڵا ئۊجالانیش کەرڎە.

ئەنداموو 'فێمینیسمۊ کۊموتاریۊ'ی جە بۊلیڤیا ئاندریا گوزمان و سەرۊکو گەلی وێمانەو گواتیمالا لۊلیتا چاڤێزیچ پەیامی هامشێوەشا وەڵا کەرڎۊ.