گلېرۊبیەو شاندو ئیمرالی دەم پارتی و مەسعود بارزانی دمایش ئاما
دماو سەعاتۍ و ٤٥ دەیەقا، گلېرۊبیەو بەینو شاندو ئیمرالی دەم پارتی و مەسعود بارزانی، سەرۆکو پەدەکەی جە پیرمام دمایش ئاما.
ئارۆ، جە پیرمام (سەڵاحەدین)ـ، شاندو ئیمرالی دەم پارتی چنی مەسعود بارزانی سەرۆکو پەدەکەی کوۍ بیێوە.
گلېرۊبیەو شاندەکەی و مەسعود بارزانی ماوەو سەعاتێوە و ٤٥ دەیەقاس خواینا.
گلېرۊبیەکەی دماو سەرۋنەداکەو شاندەکەی پەی ئیمرالی و دیدارەکاشا چنی ڕابەرو گەلوو کوردی عەبدوڵا ئۆجالانی مۍ، دماو دیدارەکا ئیمرالی شاندەکە چنی لایەنە سیاسییەکا تورکیای و زینانییا سیاسیی زنجیرۍ گلېرۊبیەیێشا ئەنجامدۍ، هەر چا چوارچێوەیچەنە سەردای هەرێمو کوردەسانیشا کەردەن و ئارۆ چنی مەسعود بارزانی، سەرۆکو پەدەکەی کوۍ بیێوە.
قەراریچا شاندەکە سەبای چنی نێچیرڤان بارزانی سەرۆکو هەرێمی هەرمان ڕاییکەری کۊباوە و پێرێچ جە سلێمانینە چنی بافڵ تاڵەبانی، سەرۆکو یۊبیەی نیشتیمانی دیدار ئەنجام بڎا.
